مصنف ابن ابي شيبه

حضرت عمران بن حصین فرماتے ہیں کہ جس نے غسل خانے میں پیشاب کیا وہ پاک نہیں ہوا۔

حضرت عائشہ رضی اللہ عنہا فرماتی ہیں کہ اللہ اس شخص کو پاک نہ کرے جو غسل خانے میں پیشاب کرے۔ حضرت عطاء فرماتے ہیں کہ اگر پانی بہہ رہا ہو تو کوئی حرج نہیں۔

حضرت زاذان اور حضرت میسرہ غسل خانے میں پیشاب کرنے کو مکروہ سمجھتے تھے۔

حسن غسل خانے میں پیشاب کرنے کو مکروہ سمجھتے تھے۔

حسن غسل خانے میں پیشاب کرنے کو مکروہ سمجھتے تھے اور بکر بن عبداللہ فرماتے تھے کہ اس سے وسوسے پیدا ہوتے ہیں۔

حضرت عبد ربہ بن ابی راشد کہتے ہیں کہ میں نے حضرت ریطہ سے پوچھا کہ کیا حضرت انس حمام میں پیشاب کیا کرتے تھے ؟ انہوں نے بتایا نہیں بلکہ میں ان کے لیے تانبے کا برتن رکھتی تھی، اس میں پیشاب کرتے تھے۔

حضرت عبداللہ غسل خانے میں پیشاب کرنے کو مکروہ سمجھتے تھے۔

حضرت افلح کہتے ہیں کہ میں نے حضرت قاسم کو غسل خانے میں پیشاب کرتے دیکھا ہے۔

حضرت عبداللہ بن مغفل فرماتے ہیں کہ غسل خانے میں پیشاب کرنے سے وسوسے آتے ہیں۔

حضرت انس بن مالک رضی اللہ عنہ فرماتے ہیں کہ غسل خانے میں پیشاب کرنے کو پاگل پن کے ڈر سے مکروہ قرار دیا گیا ہے۔