مصنف ابن ابي شيبه

حضرت شعبی فرماتے ہیں کہ جانور کے منہ کی جھاگ میں کوئی حرج نہیں۔

حسن فرماتے ہیں کہ گدھے کے لعاب میں کوئی حرج نہیں۔

حضرت حماد فرماتے ہیں کہ میں جانور کے منہ سے نکلنے والی جھاگ سے بچتا ہوں۔

حضرت ابن علیہ فرماتے ہیں کہ میں نے یونس سے گدھے کے پسینے اور اس کے لعاب کے بارے میں سوال کیا کہ اگر وہ کپڑوں کو لگ جائے تو کیا حکم ہے ؟ فرمایا : یہ ناپاک تو نہیں البتہ کپڑے کو گندا کر دے گا۔

حضرت مغیرہ کہتے ہیں کہ میں نے ابراہیم سے سوال کیا کہ ایک کتے نے میرے کپڑوں کو منہ لگایا ہے۔ اب کیا کروں ؟ فرمایا : کیا اس کا تھوک تمہارے کپڑوں سے لگا ؟ میں نے عرض کیا نہیں، فرمایا : پھر کوئی نقصان کی بات نہیں۔

ابراہیم فرماتے ہیں کہ گدھے کے لعاب میں کوئی حرج نہیں۔