مصنف ابن ابي شيبه

٤٧٠٠ - حدثنا أبو الأحوص عن أبي إسحاق عن مخارق قال: مررت بأبي ذر بالربذة (وأنا) حاج، فدخلت عليه منزله فرأيته (يصلي) (١) (يخفف) (٢) القيام قدر ما يقرأ: ﴿إِنَّا أَعْطَيْنَاكَ الْكَوْثَرَ﴾ و ﴿إِذَا جَاءَ نَصْرُ اللَّهِ وَالْفَتْحُ﴾، (ويكثر) (٣) الركوع والسجود فلما قضى صلاته قلت: يا أبا ذر رأيتك (تخفف) (٤) القيام وتكثر الركوع والسجود فقال: إني سمعت رسول اللَّه ﷺ يقول: "مَا مِنْ عَبْدٍ يَسْجَدُ للَّهِ سَجْدَةً أَوْ يَرْكَعُ (لَهُ) (٥) رَكْعَةً إِلَّا حَطَّ اللَّهُ عَنْهُ بهَا خَطِيئَتَهُ (وَرَفَعَ) (٦) لَهُ ⦗٥١٨⦘ بِهَا (دَرَجَةً) (٧) " (٨).

حضرت مخارق فرماتے ہیں کہ میں مقام ربذہ میں حضرت ابو ذر کے پاس سے گذرا، میں حج کے ارادے سے تھا۔ میں ان کے گھر داخل ہوا تو میں نے دیکھا کہ وہ نماز پڑھ رہے تھے اور اتنا مختصر قیام فرماتے جتنی دیر میں سورة الکوثر اور سورة النصر پڑھی جاسکے۔ وہ رکوع اور سجدے کثرت سے کرتے تھے۔ جب انہوں نے اپنی نماز مکمل کرلی تو میں نے کہا اے ابو ذر ! میں نے آپ کو دیکھا آپ قیام کو مختصر کر رہے ہیں اور زیادہ رکوع و سجود کررہے ہیں، اس کی کیا وجہ ہے ؟ انہوں نے فرمایا کہ میں نے رسول اللہ صلی اللہ علیہ وآلہ وسلم کو فرماتے ہوئے سنا ہے جب بھی کوئی بندہ اللہ کے لیے سجدہ کرتا ہے اور اس کے لئے رکوع کرتا ہے تو اللہ تعالیٰ اس کے ایک گناہ کو معاف کرتا ہے اور اس کا ایک درجہ بلند کردیتا ہے۔