مصنف ابن ابي شيبه

٣١٨٠٢ - حدثنا عبدة بن سليمان عن سعيد بن (أبي) (١) سعيد قال: لحقني نافع بن جبير حين انصرفت من المغرب فقلت: ما شأ (نك) (٢) فقال: إذا مررت على قبر النبي ﷺ فقل السلام على النبي ﷺ ورحمة اللَّه فإن الشيطان يقول: لا صحبة، فإذا دخلت على أهلك فقل: السلام عليكم فإن الشيطان يقول: لا مبيت، فإذا أُتيت بعشائك فقل: بسم اللَّه فإن الشيطان يولي خاسئا، يقول لأصحابه: لا مبيت ولا عشاء.

حضرت سعید بن ابی سعید فرماتے ہیں کہ جب میں مغرب کی نماز سے فارغ ہوا تو حضرت نافع بن جبیر مجھ سے ملے : پس میں نے کہا : آپ کا کیا حال ہے ؟ تو انہوں نے فرمایا : جب تو نبی کریم صلی اللہ علیہ وآلہ وسلم کی قبر سے گزرے تو یوں کہہ : نبی کریم صلی اللہ علیہ وآلہ وسلم پر سلامتی ہو اور اللہ کی رحمت ہو۔ بیشک شیطان کہے گا : تمہارے لیے کوئی ساتھ نہیں۔ پس جب تو اپنے گھر والوں پر داخل ہو تو یوں کہہ : تم پر سلامتی ہو۔ تو بیشک شیطان کہے گا ، تمہارے لیے کوئی رات رہنے کی جگہ نہیں، پھر جب تیرے سامنے کھانا لایا جائے تو یوں کہہ : اللہ کے نام کے ساتھ شروع کرتا ہوں، یقینا شیطان ذلیل و رسوا ہو کر بھاگ جائے گا اور اپنے ساتھیوں کو یوں کہے گا : نہیں تمہارے لیے رات رہنے کے لیے کوئی جگہ اور نہ ہی کچھ کھانے کے لیے۔