مصنف ابن ابي شيبه

٣١٣٦٧ - حدثنا محمد بن بشر حدثنا مسعر حدثنا محمد بن عبد الرحمن عن أبي (رشدين) (١) عن ابن عباس عن جويرية قالت: مر بها رسول اللَّه ﷺ صلاة الغداة أو بعد ما صلى الغداة وهي تذكر اللَّه فرجع حين ارتفع النهار -أو قال: انتصف النهار- وهي كذلك فقال: "لقد قلت منذ قمت (عليك) (٢) أربع كلمات ثلاث مرات هي أكثر (و) (٣) أرجح -أو أوزن- مما قلت، سبحان اللَّه عدد خلقه (٤)، سبحان اللَّه زنة عرشه، سبحان اللَّه مداد كلماته" (٥).

حضرت ابن عباس رضی اللہ عنہما فرماتے ہیں کہ حضرت ام المؤمنین حضرت جویریہ نے ارشاد فرمایا : رسول اللہ صلی اللہ علیہ وآلہ وسلم میرے پاس سے گزرے صبح کی نماز کے وقت یا صبح کی نماز پڑھنے کے بعد اس حال میں کہ میں اللہ کا ذکر کر رہی تھی۔ پس آپ صلی اللہ علیہ وآلہ وسلم واپس لوٹے جب دن نکل آیا ، یا یوں فرمایا : جب نصف دن گزر گیا اور آپ اسی حالت میں تھیں۔ اس پر آپ صلی اللہ علیہ وآلہ وسلم نے فرمایا : جب میں تمہارے پاس سے اٹھا تو میں نے چار کلمات تین مرتبہ پڑھے جو ثواب میں بہت زیادہ اور راجح ہیں یا یوں فرمایا؛ وہ وزن میں بہت بھاری ہیں اس سے جو کلمات تم نے پڑھے ۔ اور وہ یہ ہیں : اللہ کی پاکی ہے اس کی مخلوق کی تعداد کے بقدر، اللہ کی پاکی ہے اس کی خوشنودی کے لیے، اللہ ہی کی پاکی ہے اس کے عرش کے وزن کے بقدر، اللہ کی پاکی ہے اس کے کلمات کی روشنائی کے بقدر۔