مصنف ابن ابي شيبه

٢٥٣٧٥ - (حدثنا أبو بكر قال: حدثنا) (١) عبد اللَّه بن إدريس عن شعبة عن ثابت قال: قلت لابن عمر: نُهي عن نبيذ الجر؛ فقال: زعموا (ذاك) (٢)، [قلت عن رسول اللَّه ﷺ؟ قال: زعموا ذاك، قلت: أنت سمعته؟ قال: زعموا ذاك، قال] (٣): وصرفه اللَّه عني (٤).

حضرت ثابت سے روایت ہے۔ کہتے ہیں کہ میں نے حضرت ابن عمر رضی اللہ عنہما سے پوچھا۔ گھڑے کی نبیذ سے منع کیا گیا ہے ؟ انہوں نے فرمایا : لوگوں کا خیال یہی ہے۔ میں نے پوچھا۔ رسول اللہ صلی اللہ علیہ وآلہ وسلم سے یہ حکم ثابت ہے ؟ انہوں نے فرمایا : لوگوں کا خیال یہی ہے۔ میں نے پوچھا : آپ نے یہ حکم آپ صلی اللہ علیہ وآلہ وسلم سے سُنا ہے ؟ انہوں نے فرمایا : لوگوں کا خیال یہی ہے۔ اور فرمایا : اللہ تعالیٰ نے اس کو مجھ سے پھیر دیا ہے۔