مختصر صحيح بخاري

´سیدنا ابن مسعود رضی اللہ عنہما کہتے ہیں کہ` نبی کریم صلی اللہ علیہ وسلم ہمیں نصیحت کرنے کے لیے وقت اور موقع کی رعایت فرماتے تھے ، ہمارے اکتا جانے کے خیال سے ( ہر روز وعظ نہ فرماتے تھے ) ۔

´سیدنا انس رضی اللہ عنہ نبی کریم صلی اللہ علیہ وسلم سے روایت کرتے ہیں کہ` آپ صلی اللہ علیہ وسلم نے فرمایا : ( دین میں ) آسانی کرو اور سختی نہ کرو اور ( لوگوں کو ) خوشخبری سناؤ اور ( زیادہ تر ڈرا ڈرا کر انھیں ) متنفر نہ کرو ۔