المعجم الكبير للطبراني

سیدہ ام سلمہ رضی اللہ عنہا سے روایت ہے، وہ فرماتی ہیں: رسول اللہ ﷺ میرے پاس تشریف لائے تو فرمایا: ”کیا بات ہے، میں تمہیں کمزور و لاغر دیکھ رہا ہوں؟“ میں نے عرض کیا: میں نے ایک دوا پی ہے جس سے میں پاخانہ کھلواتی ہوں۔ آپ ﷺ نے فرمایا: ”وہ کیا ہے؟“ میں نے عرض کیا: شبرم (ایک تیز جلاب آور بوٹی)۔ آپ ﷺ نے فرمایا: ”تمہیں شبرم سے کیا کام؟ یہ تو گرم اور تیز ہے۔ تم سنا اور سنوت استعمال کرو، کیونکہ ان دونوں میں موت کے سوا ہر بیماری کا علاج ہے۔“

سیدہ ام سلمہ رضی اللہ عنہا فرماتی ہیں: ”بسا اوقات رسول اللہ ﷺ اپنی چادر اور تہبند کو زعفران یا ورس (ایک زرد رنگ کی خوشبودار بوٹی) سے رنگ لیتے، پھر انہیں پہن کر نکلتے۔“