المعجم الكبير للطبراني

سیدہ ام سلمہ رضی اللہ عنہا سے روایت ہے کہ رسول اللہ ﷺ نے فرمایا: ”میں نے جنت میں ابوجہل کے کچھ آزاد کردہ (لوگ) دیکھے ہیں۔“ پھر جب سیدنا عکرمہ رضی اللہ عنہ اسلام لائے تو آپ ﷺ نے فرمایا: ”یہی وہ (شخص) ہے۔“

عبداللہ، ام سلمہ رضی اللہ عنہا کے بھائی، بیان کرتے ہیں کہ میں نے سیدہ ام سلمہ رضی اللہ عنہا کو یہ فرماتے سنا: رسول اللہ ﷺ کے زمانے میں سیدنا ابوبکر رضی اللہ عنہ تجارت کی غرض سے بصریٰ کی طرف نکلے، تجارت کے سفر میں اپنے حصے کی حرص نے سیدنا ابوبکر رضی اللہ عنہ کو رسول اللہ ﷺ کے ساتھ (قلبی) وابستگی سے نہیں روکا، اور یہ اس لیے تھا کہ انہیں تجارت کی کمائی پسند تھی اور تجارت سے محبت تھی۔ اور رسول اللہ ﷺ نے بھی، ان کی صحبت سے محبت اور ان سے تعلقِ خاطر کے باوجود، سیدنا ابوبکر رضی اللہ عنہ کو ان کی تجارت کے سفر سے نہیں روکا، حالانکہ آپ ﷺ ان کی صحبت کو بہت پسند فرماتے تھے، کیونکہ رسول اللہ ﷺ تجارت کو اچھا سمجھتے اور پسند فرماتے تھے۔