المعجم الكبير للطبراني

سیدنا عمران بن حصین رضی اللہ عنہ سے روایت ہے کہ نبی کریم ﷺ نے فرمایا: ”اپنی طاقت کے مطابق عمل کرو، کیونکہ اللہ نہیں اکتاتا جب تک تم خود نہ اکتاؤ۔“

سیدنا عمران بن حصین رضی اللہ عنہ کہتے ہیں: ایک عورت نبی کریم ﷺ کے پاس آئی اور کہنے لگی: یا رسول اللہ، اس نے زنا کیا ہے۔ وہ یہ بات بار بار دہراتی رہی، تو رسول اللہ ﷺ نے فرمایا: ”تم میں سے کون اسے اپنے ہاں ٹھہرائے گا؟“ ایک آدمی نے کہا: میں، یا رسول اللہ۔ آپ ﷺ نے فرمایا: ”اسے لے جاؤ اور مہلت دو، پھر جب وہ بچہ جن لے تو اسے میرے پاس لانا۔“ چنانچہ وہ اسے بچہ جننے کے بعد نبی کریم ﷺ کے پاس لایا، تو آپ ﷺ نے حکم دیا اور اسے سنگسار کیا گیا، پھر آپ ﷺ نے اپنے صحابہ سے فرمایا: ”آگے بڑھو اور اس پر نماز پڑھو۔“ سیدنا عمر رضی اللہ عنہ نے عرض کیا: یا رسول اللہ، کیا آپ اس پر نماز پڑھتے ہیں؟ آپ ﷺ نے فرمایا: ”اس نے ایسی توبہ کی ہے کہ اگر مدینہ کے ستر آدمی اس جیسی توبہ کریں تو وہ قبول کر لی جائے۔“