المعجم الكبير للطبراني

سیدنا عبداللہ بن سلام رضی اللہ عنہ سے روایت ہے کہ نبی کریم ﷺ نے فرمایا: ”جو شخص نماز کے انتظار میں بیٹھا رہے وہ نماز ہی میں ہے۔“

سیدنا عبداللہ بن سلام رضی اللہ عنہ سے روایت ہے کہ رسول اللہ ﷺ نے فرمایا: ”جو نماز کا انتظار کرے وہ نماز ہی میں ہے، یہاں تک کہ نماز پڑھ لے۔“

سیدنا عبداللہ بن سلام رضی اللہ عنہ سے روایت ہے کہ رسول اللہ ﷺ نے فرمایا: ”جو نماز کا انتظار کرے وہ نماز ہی میں ہے، یہاں تک کہ نماز پڑھ لے۔“

سیدنا عبداللہ بن سلام رضی اللہ عنہ سے روایت ہے کہ نبی کریم ﷺ نے فرمایا: ”جو نماز کا انتظار کرے وہ نماز ہی میں ہے۔“

ابوسلمہ بن عبدالرحمٰن بیان کرتے ہیں کہ سیدنا ابوہریرہ رضی اللہ عنہ ہم سے رسول اللہ ﷺ کے حوالے سے بیان کیا کرتے تھے کہ آپ ﷺ نے فرمایا: ”جمعہ کے دن ایک ایسی گھڑی ہے کہ کوئی مسلمان نماز کی حالت میں اسے پا کر اللہ سے کوئی بھلائی مانگے تو اللہ اسے ضرور عطا فرماتا ہے۔“ سیدنا ابوہریرہ رضی اللہ عنہ اپنے ہاتھ سے اس گھڑی کو مختصر (تھوڑی دیر کی) بتاتے تھے۔ پھر جب سیدنا ابوہریرہ رضی اللہ عنہ کی وفات ہو گئی تو میں نے سوچا: کیوں نہ سیدنا ابوسعید رضی اللہ عنہ کے پاس جا کر ان سے پوچھوں؟ چنانچہ میں ان کے پاس گیا اور پوچھا، پھر ان کے پاس سے نکل کر سیدنا عبداللہ بن سلام رضی اللہ عنہ کے پاس گیا اور ان سے پوچھا تو انہوں نے فرمایا: اللہ تعالیٰ نے آدم علیہ السلام کو جمعہ کے دن پیدا کیا اور جمعہ کے دن ہی ان کی روح قبض کی، اور اسی دن قیامت قائم ہوگی، اور یہ (جمعہ کی) آخری گھڑی ہے۔ میں نے عرض کیا: رسول اللہ ﷺ نے تو فرمایا تھا ”نماز کی حالت میں“، حالانکہ (آخری گھڑی) نماز کا وقت نہیں ہوتی۔ انہوں نے فرمایا: کیا تمہیں معلوم نہیں کہ رسول اللہ ﷺ نے یہ بھی فرمایا ہے: ”نماز کا منتظر نماز ہی میں ہوتا ہے؟“ میں نے کہا: کیوں نہیں۔ انہوں نے فرمایا: پس اللہ کی قسم! وہی (آخری گھڑی نماز کا وقت) ہے۔