المعجم الكبير للطبراني

سیدنا ابو امامہ رضی اللہ عنہ سے روایت ہے کہ ایک شخص رسول اللہ ﷺ کے پاس آیا اور عرض کیا: یا رسول اللہ! مجھے زنا کی اجازت دے دیجیے۔ لوگوں نے اسے ڈانٹا، تو نبی کریم ﷺ نے فرمایا: ”اسے رہنے دو۔“ وہ قریب آ کر رسول اللہ ﷺ کے سامنے بیٹھ گیا، تو نبی کریم ﷺ نے اس سے فرمایا: ”کیا تو یہ اپنی ماں کے لیے پسند کرتا ہے؟“ اس نے کہا: نہیں۔ فرمایا: ”اسی طرح لوگ بھی اسے اپنی ماؤں کے لیے پسند نہیں کرتے۔“ فرمایا: ”کیا تو یہ اپنی بیٹی کے لیے پسند کرتا ہے؟“ اس نے کہا: نہیں۔ فرمایا: ”اسی طرح لوگ بھی اسے اپنی بیٹیوں کے لیے پسند نہیں کرتے۔“ فرمایا: ”کیا تو یہ اپنی بہن کے لیے پسند کرتا ہے؟“ اس نے کہا: نہیں۔ فرمایا: ”اسی طرح لوگ بھی اسے اپنی بہنوں کے لیے پسند نہیں کرتے۔“ پھر رسول اللہ ﷺ نے اپنا ہاتھ اس کے سینے پر رکھا اور فرمایا: ”اے اللہ! اس کا گناہ بخش دے، اس کا دل پاک کر دے، اور اس کی شرمگاہ محفوظ رکھ۔“

سیدنا ابو امامہ رضی اللہ عنہ سے روایت ہے کہ ایک شخص نے رسول اللہ ﷺ سے (ترکِ دنیا کر کے) سیاحت کی اجازت مانگی، تو آپ ﷺ نے فرمایا: ”میری امت کی سیاحت اللہ عزوجل کے راستے میں جہاد ہے۔“