المعجم الكبير للطبراني

سیدنا سلمان الخیر رضی اللہ عنہ سے روایت ہے کہ رسول اللہ ﷺ نے فرمایا: ”جس نے جمعہ کے دن غسل کیا اور اچھی طرح غسل کیا، پھر خوشبو لگائی، اور اپنے کپڑوں میں سے کپڑے پہنے، پھر کسی دو کے درمیان تفریق نہ کی، پھر جتنی نماز اس کے مقدر میں تھی پڑھی، پھر جب امام نکلا تو خاموش رہا پھر غور سے سنا، تو اس کے اور اگلے جمعہ کے درمیان کے گناہ بخش دیے جاتے ہیں۔“

سیدنا سلمان الخیر رضی اللہ عنہ سے روایت ہے کہ نبی اللہ ﷺ نے فرمایا: ”جو شخص بھی جمعہ کے دن غسل کرے، اور جتنا ممکن ہو پاکیزگی اختیار کرے، اور اپنا تیل لگائے یا گھر سے خوشبو لگائے، پھر نماز کے لیے روانہ ہو اور کسی دو کے درمیان تفریق نہ کرے، پھر جتنی نماز اس کے مقدر میں تھی پڑھے، پھر جب امام بات کرے تو خاموش رہے، تو اس کے اور اگلے جمعہ کے درمیان کے گناہ ضرور بخش دیے جاتے ہیں۔“