المعجم الكبير للطبراني

سیدنا سلمان فارسی رضی اللہ عنہ سے روایت ہے کہ رسول اللہ ﷺ نے فرمایا: ”اللہ عزوجل نے جس دن آسمانوں اور زمین کو پیدا کیا، اسی دن سو رحمتیں پیدا فرمائیں، ہر رحمت آسمان و زمین کے درمیانی فاصلے کے برابر ہے، ان میں سے ایک رحمت ایسی ہے جس کی وجہ سے ماں اپنی اولاد پر شفقت کرتی ہے اور جنگلی جانور بھی ایک دوسرے پر شفقت کرتے ہیں، اور ننانوے رحمتیں قیامت کے دن کے لیے مؤخر رکھی ہیں۔“

سیدنا سلمان فارسی رضی اللہ عنہ سے روایت ہے کہ رسول اللہ ﷺ نے فرمایا: ”جو مسلمان بھی وضو کرے اور اچھی طرح وضو کرے، تو وہ اللہ عزوجل کا زائر ہے، اور جس سے ملاقات کی جائے اس پر حق ہے کہ وہ اپنے زائر کی عزت کرے۔“