المعجم الكبير للطبراني

حَدَّثَنَا مُعَاذُ بْنُ الْمُثَنَّى، ثنا مُسَدَّدٌ، ثنا خَالِدُ بْنُ سُلَيْمَانَ الشَّيْبَانِيُّ، عَنْ عَامِرٍ، عَنْ رَجُلٍ، مِنْ حَضْرَمَوْتَ، عَنْ زَيْدِ بْنِ أَرْقَمَ، أَنَّ عَلِيًّا رَضِيَ اللهُ تَعَالَى عَنْهُ كَانَ بِالْيَمَنِ فَأَتَاهُ ثَلَاثَةٌ يَتَنَازَعُونَ فِي وَلَدٍ كُلُّهُمْ يَزْعُمُ أَنَّهُ ابْنُهُ، فَخَلَا بِاثْنَيْنِ، فَقَالَ: «أَتَطِيبَانِ نَفْسًا لِهَذَا بِالْوَلَدِ؟» قَالَا: لَا، ثُمَّ خَلَا بِاثْنَيْنِ، فَقَالَ لَهُمَا مِثْلَ ذَلِكَ، فَقَالَا: لَا، فَقَالَ: «أَرَاكُمَ شُرَكَاءَ مُتَشَاكِسُونَ، وَأَنَا مُقْرِعٌ بَيْنَكُمْ» فَأَقْرَعَ بَيْنَهُمْ فَجَعَلَ الْوَلَدَ لِلَّذِي أَصَابَتْهُ الْقُرْعَةُ، وَغَرَّمَهُ ثُلُثَيِ الدِّيَةِ لِلْبَاقِينَ

عبدخیر حضرمی رضی اللہ عنہ، سیدنا زید بن ارقم رضی اللہ عنہ سے بیان کرتے ہیں کہ سیدنا علی رضی اللہ عنہ یمن میں تھے کہ ان کے پاس تین آدمی ایک بچے کے بارے میں جھگڑتے ہوئے آئے، ہر ایک کا دعویٰ تھا کہ وہ اس کا بیٹا ہے۔ آپ نے دو کو الگ بلا کر پوچھا: کیا تم دل سے اس (تیسرے) کے لیے بچہ چھوڑنے پر راضی ہو؟ انہوں نے کہا: نہیں۔ پھر دو کو الگ بلا کر انہیں بھی یہی پوچھا، انہوں نے بھی کہا: نہیں۔ تو آپ نے فرمایا: میں دیکھتا ہوں تم باہم جھگڑنے والے شریک ہو، اور میں تمہارے درمیان قرعہ ڈالوں گا۔ چنانچہ آپ نے ان کے درمیان قرعہ ڈالا اور بچہ اسی کا قرار دیا جس کے نام قرعہ نکلا، اور باقی دو کے لیے اس پر دیت کے دو تہائی حصے کا تاوان لازم کیا۔