المعجم الأوسط

وَبِهِ : نَا زُهَيْرُ بْنُ مُحَمَّدٍ ، عَنْ مُوسَى بْنِ عُقْبَةَ ، عَنْ نَافِعٍ .
عَنِ ابْنِ عُمَرَ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - نَهَى أَنْ تُنْكَحَ الْمَرْأَةُ عَلَى عَمَّتِهَا وَعَلَى خَالَتِهَا وَعَنْ لِبْسَتَيْنِ : عَنِ الصَّمَّاءِ ، وَعَنْ أَنْ يَحْتَبِيَ الرَّجُلُ فِي ثَوْبٍ لَيْسَ عَلَى فَرْجِهِ مِنْهُ شَيْءٌ ، وَعَنْ صَوْمِ يَوْمِ الْأَضْحَى وَيَوْمِ الْفِطْرِ ، وَعَنِ الصَّلَاةِ بَعْدَ الصُّبْحِ حَتَّى تَطْلُعَ الشَّمْسُ ، وَبَعْدَ الْعَصْرِ حَتَّى تَغْرُبَ الشَّمْسُ .

سیدنا ابن عمر رضی اللہ عنہما سے روایت ہے کہ ”رسول اللہ ﷺ نے اس بات سے منع فرمایا کہ کسی عورت سے اس کی پھوپھی یا اس کی خالہ کی موجودگی میں (یعنی دونوں کو ایک ساتھ نکاح میں جمع کر کے) نکاح کیا جائے، اور آپ ﷺ نے دو طرح کے لباس سے منع فرمایا: ایک «صماء» (پورے بدن پر ایک ہی چادر اس طرح لپیٹ لینا کہ ہاتھ باہر نہ نکل سکیں) سے، اور دوسرا اس بات سے کہ کوئی شخص ایک ہی کپڑے میں اس طرح «احتباء» کرے کہ اس کی شرمگاہ پر اس کپڑے کا کوئی حصہ نہ ہو
نیز آپ ﷺ نے عید الاضحیٰ اور عید الفطر کے دن روزہ رکھنے سے، اور فجر کی نماز کے بعد سورج طلوع ہونے تک اور عصر کی نماز کے بعد سورج غروب ہونے تک نماز پڑھنے سے منع فرمایا۔“