المعجم الأوسط
باب الألف— حرفِ الف سے شروع ہونے والے ناموں کا بیان۔
مَنِ اسْمُهُ أَحْمَدُ باب: ان راویوں کا بیان جن کا نام احمد ہے۔
حَدَّثَنَا أَحْمَدُ بْنُ يَحْيَى بْنِ خَالِدِ بْنِ حَيَّانَ قَالَ : نَا عَمْرُو بْنُ بَكْرِ بْنِ بَكَّارٍ الْقَعْنَبِيُّ قَالَ : نَا مُجَاشِعُ بْنُ عَمْرٍو الْأَسَدِيُّ قَالَ : نَا اللَّيْثُ بْنُ سَعْدٍ ، عَنْ عَاصِمِ بْنِ عُمَرَ بْنِ قَتَادَةَ ، عَنْ مَحْمُودِ بْنِ لَبِيدٍ . عَنْ مُعَاذِ بْنِ جَبَلٍ ، أَنَّهُ مَاتَ ابْنٌ لَهُ ، فَكَتَبَ إِلَيْهِ رَسُولُ اللهِ - صَلَّى اللهُ عَلَيْهِ وَسَلَّمَ - يُعَزِّيهِ بِابْنِهِ ، فَكَتَبَ إِلَيْهِ : بِسْمِ اللهِ الرَّحْمَنِ الرَّحِيمِ ، مِنْ مُحَمَّدٍ رَسُولِ اللهِ ، إِلَى مُعَاذِ بْنِ جَبَلٍ ، سَلَامٌ عَلَيْكَ ، فَإِنِّي أَحْمَدُ إِلَيْكَ اللهَ الَّذِي لَا إِلَهَ إِلَّا هُوَ ، أَمَّا بَعْدُ : فَأَعْظَمَ اللهُ لَكَ الْأَجْرَ ، وَأَلْهَمَكَ الصَّبْرَ ، وَرَزَقَنَا وَإِيَّاكَ الشُّكْرَ ، فَإِنَّ أَنْفُسَنَا وَأَمْوَالَنَا وَأَهْلِينَا وَأَوْلَادَنَا مِنْ مَوَاهِبِ اللهِ الْهَنِيئَةِ ، وَعَوَارِيهِ الْمُسْتَوْدَعَةِ . مَتَّعَكَ بِهِ فِي غِبْطَةٍ وَسُرُورٍ ، وَقَبَضَهُ مِنْكَ فِي أَجْرٍ كَثِيرٍ . الصَّلَاةُ وَالرَّحْمَةُ وَالْهُدَى . إِنِ احْتَسَبْتَهُ فَاصْبِرْ ، وَلَا يُحْبِطْ جَزَعُكَ أَجْرَكَ فَتَنْدَمَ ، وَاعْلَمْ أَنَّ الْجَزَعَ لَا يَرُدُّ مَيِّتًا ، وَلَا يَدْفَعُ حُزْنًا ، وَمَا هُوَ نَازِلٌ فَكَأَنَّ قَدْ . وَالسَّلَامُ .
لَا يُرْوَى هَذَا الْحَدِيثُ عَنْ مُعَاذٍ إِلَّا بِهَذَا الْإِسْنَادِ . تَفَرَّدَ بِهِ : مُجَاشِعٌ .
سیدنا معاذ بن جبل رضی اللہ عنہ سے روایت ہے کہ ان کے ایک بیٹے کا انتقال ہو گیا، تو رسول اللہ ﷺ نے ان کے بیٹے کی وفات پر تعزیت کے لیے انہیں ایک مکتوب تحریر فرمایا، جس میں آپ ﷺ نے تحریر کیا: ” « بِسْمِ اللهِ الرَّحْمَنِ الرَّحِيمِ » ”اللہ کے نام سے جو نہایت مہربان، ہمیشہ رحم فرمانے والا ہے“، اللہ کے رسول محمد ﷺ کی جانب سے سیدنا معاذ بن جبل رضی اللہ عنہ کے نام؛ « سَلَامٌ عَلَيْكَ » ”تم پر سلامتی ہو“، میں تمہارے سامنے اس اللہ کی حمد بیان کرتا ہوں جس کے سوا کوئی معبود نہیں۔ اما بعد! اللہ تعالیٰ « أَعْظَمَ اللهُ لَكَ الْأَجْرَ ، وَأَلْهَمَكَ الصَّبْرَ ، وَرَزَقَنَا وَإِيَّاكَ الشُّكْرَ » ”تمہیں عظیم اجر عطا فرمائے، تمہیں صبر کی توفیق دے اور ہمیں اور تمہیں شکر کی نعمت سے نوازے“۔ بلاشبہ ہماری جانیں، ہمارے اموال، ہمارے اہل و عیال اور ہماری اولاد اللہ عزوجل کے خوشگوار عطیات اور اس کے پاس ودیعت کردہ (امانتاً دی گئی) عاریتیں ہیں۔ اللہ نے تمہیں اس بیٹے کے ذریعے مسرت و شادمانی کے ساتھ فائدہ پہنچایا اور اب اسے تم سے واپس لے کر اس کے بدلے بہت بڑے اجر اور « الصَّلَاةُ وَالرَّحْمَةُ وَالْهُدَى » ”درود (بخشش)، رحمت اور ہدایت“ کا وعدہ فرمایا ہے۔ اگر تم اللہ سے ثواب کی امید رکھتے ہو تو صبر کرو، اور تمہاری بے صبری تمہارے اجر کو ضائع نہ کر دے کہ پھر تمہیں ندامت اٹھانی پڑے، اور جان لو کہ بے صبری نہ کسی میت کو واپس لا سکتی ہے اور نہ غم کو دور کر سکتی ہے، اور جو ہونے والا ہے وہ ہو کر ہی رہتا ہے۔ « وَالسَّلَامُ » ”اور تم پر سلام ہو“۔“
یہ حدیث سیدنا معاذ رضی اللہ عنہ سے صرف اسی سند کے ساتھ مروی ہے، اور مجاشع رحمہ اللہ اسے بیان کرنے میں منفرد ہیں۔