المعجم الأوسط
باب الميم— حرفِ میم سے شروع ہونے والے ناموں کا بیان۔
مَنِ اسْمُهُ مُحَمَّدٌ باب: ان راویوں کا بیان جن کا نام محمد ہے۔
حَدَّثَنَا مُحَمَّدُ بْنُ عَمْرٍو ، ثَنَا أَبِي ، ثَنَا عِيسَى بْنُ يُونُسَ ، عَنْ عُثْمَانَ بْنِ حَكِيمٍ ، عَنْ زِيَادِ بْنِ عِلَاقَةَ ، عَنْ أُسَامَةَ بْنِ شَرِيكٍ ، قَالَ : كُنَّا جُلُوسًا عِنْدَ النَّبِيِّ صَلَّى اللهُ عَلَيْهِ وَسَلَّمَ ، كَأَنَّ عَلَى رُءُوسِنَا الرَّخَمَ ، مَا تَكَلَّمَ مِنَّا مُتَكَلِّمٌ ، إِذْ جَاءَهُ أُنَاسٌ ، فَقَالُوا : يَا رَسُولَ اللهِ ، أَفْتِنَا فِي كَذَا ، أَفْتِنَا فِي كَذَا ، فَقَالَ : يَا أَيُّهَا النَّاسُ ، وَضَعَ اللهُ الْحَرَجَ ، إِلَّا مَنِ اقْتَرَضَ مِنْ عِرْضِ أَخِيهِ قَرْضًا ، فَذَلِكَ الَّذِي حَرِجَ وَهَلَكَ ، قَالُوا : أَفَنَتَدَاوَى يَا رَسُولَ اللهِ ؟ قَالَ : I " نَعَمْ ، إِنَّ اللهَ لَمْ يُنْزِلْ دَاءً إِلَّا نَزَّلَ لَهُ دَوَاءً ، غَيْرَ دَاءٍ وَاحِدٍ ، قَالُوا : وَمَا هُوَ يَا رَسُولَ اللهِ ؟ قَالَ : I " الْهَرَمُ I " ، قَالُوا : فَمَنْ أَحَبُّ عِبَادِ اللهِ إِلَى اللهِ ؟ قَالَ : أَحْسَنُهُمْ خُلُقًا .
I " لَمْ يَرْوِ هَذَا الْحَدِيثَ عَنْ عُثْمَانَ بْنِ حَكِيمٍ إِلَّا عِيسَى بْنُ يُونُسَ I " .
سیدنا اسامہ بن شریک رضی اللہ عنہ سے روایت ہے کہ انہوں نے فرمایا: ”ہم نبی ﷺ کی خدمت میں اس طرح (انتہائی باادب) بیٹھے ہوئے تھے کہ گویا ہمارے سروں پر پرندے بیٹھے ہوں، ہم میں سے کوئی کلام نہیں کر رہا تھا کہ اسی دوران کچھ لوگ آپ ﷺ کے پاس آئے اور عرض کرنے لگے: اے اللہ کے رسول! ہمیں فلاں معاملے میں شرعی حکم بتائیے، ہمیں فلاں معاملے میں حکم بتائیے، تو آپ ﷺ نے فرمایا: ”اے لوگو! اللہ تعالیٰ نے تنگی (اور مواخذہ) کو اٹھا لیا ہے، سوائے اس شخص کے جس نے اپنے بھائی کی آبرو ریزی کی ہو، تو یہی وہ شخص ہے جو تنگی (اور گناہ) میں پڑ گیا اور ہلاک ہو گیا۔“ انہوں نے عرض کی: اے اللہ کے رسول! کیا ہم علاج معالجہ کروائیں؟ آپ ﷺ نے فرمایا: ”ہاں، یقیناً اللہ تعالیٰ نے کوئی ایسی بیماری نازل نہیں فرمائی جس کی دوا بھی نازل نہ کی ہو، سوائے ایک بیماری کے۔“ انہوں نے عرض کی: اے اللہ کے رسول! وہ کون سی بیماری ہے؟ آپ ﷺ نے فرمایا: ”بڑھاپا۔“ انہوں نے (پھر) عرض کی: اللہ کے بندوں میں اللہ تعالیٰ کو سب سے زیادہ محبوب کون ہیں؟ آپ ﷺ نے فرمایا: ”جن کے اخلاق سب سے اچھے ہوں۔““
امام طبرانی رحمہ اللہ فرماتے ہیں: ”اس حدیث کو عثمان بن حکیم سے صرف عیسیٰ بن یونس نے روایت کیا ہے۔“