المعجم الأوسط
باب الميم— حرفِ میم سے شروع ہونے والے ناموں کا بیان۔
مَنِ اسْمُهُ مُحَمَّدٌ باب: ان راویوں کا بیان جن کا نام محمد ہے۔
حَدَّثَنَا مُحَمَّدُ بْنُ مُحَمَّدٍ التَّمَّارُ ، قَالَ : نَا أَبُو ظَفَرٍ عَبْدُ السَّلَامِ بْنُ مُطَهَّرٍ ، قَالَ : نَا نَافِعٌ أَبُو هُرْمُزَ ، عَنْ عِكْرِمَةَ ، عَنِ ابْنِ عَبَّاسٍ ، قَالَ : جَاءَ ثَلَاثَةُ نَفَرٍ إِلَى النَّبِيِّ صَلَّى اللهُ عَلَيْهِ وَسَلَّمَ ، فَقَالَ الْأَوَّلُ : السَّلَامُ عَلَيْكُمْ ، فَرَدَّ عَلَيْهِ النَّبِيُّ صَلَّى اللهُ عَلَيْهِ وَسَلَّمَ : سَلَامٌ عَلَيْكُمْ وَرَحْمَةُ اللهِ ، فَجَاءَ الثَّانِي فَقَالَ : السَّلَامُ عَلَيْكُمْ وَرَحْمَةُ اللهِ ، فَرَدَّ عَلَيْهِ النَّبِيُّ صَلَّى اللهُ عَلَيْهِ وَسَلَّمَ : سَلَامٌ عَلَيْكُمْ وَرَحْمَةُ اللهِ وَبَرَكَاتُهُ ، وَجَاءَ الثَّالِثُ ، فَقَالَ : السَّلَامُ عَلَيْكُمْ وَرَحْمَةُ اللهِ وَبَرَكَاتُهُ ، فَرَدَّ النَّبِيُّ صَلَّى اللهُ عَلَيْهِ وَسَلَّمَ : وَعَلَيْكُمْ ، وَأَبُو الْفَتَى جَالِسٌ مَعَ النَّبِيِّ صَلَّى اللهُ عَلَيْهِ وَسَلَّمَ ، فَقَالَ : يَا رَسُولَ اللهِ زِدْتَ فُلَانًا وَفُلَانًا ، وَلَمْ تَزِدِ ابْنِي شَيْئًا ؟ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : مَا وَجَدْنَا لَهُ مَزِيدًا ، فَرَدَدْنَا عَلَيْهِ مَا قَالَ .
لَمْ يَرْوِ هَذَا الْحَدِيثَ عَنْ عِكْرِمَةَ إِلَّا نَافِعٌ أَبُو هُرْمُزَ ، تَفَرَّدَ بِهِ عَبْدُ السَّلَامِ بْنُ مُطَهَّرٍ ، وَلَا يُرْوَى عَنِ ابْنِ عَبَّاسٍ إِلَّا بِهَذَا الْإِسْنَادِ .
سیدنا عبداللہ بن عباس رضی اللہ عنہما سے روایت ہے کہ تین آدمی نبی ﷺ کے پاس آئے۔ پہلے نے کہا: ”السلام علیکم“ تو نبی ﷺ نے اسے جواب دیا: ”سلام علیکم و رحمۃ اللہ“۔ پھر دوسرا آیا اور اس نے کہا: ”السلام علیکم و رحمۃ اللہ“ تو نبی ﷺ نے اسے جواب دیا: ”سلام علیکم و رحمۃ اللہ و برکاتہ“۔ پھر تیسرا آیا اور اس نے کہا: ”السلام علیکم و رحمۃ اللہ و برکاتہ“ تو نبی ﷺ نے جواب دیا: ”و علیکم“۔ اس نوجوان کا باپ نبی ﷺ کے ساتھ بیٹھا ہوا تھا، اس نے عرض کیا: ”اے اللہ کے رسول! آپ نے فلاں اور فلاں کے جواب میں اضافہ فرمایا اور میرے بیٹے کے جواب میں کچھ اضافہ نہیں کیا؟“ تو رسول اللہ ﷺ نے فرمایا: ”ہمیں اس کے لیے اضافے کی کوئی گنجائش نہیں ملی (کیونکہ اس نے سلام کے سارے کلمات خود کہہ دیے تھے)، اس لیے ہم نے اسی کی کہی ہوئی بات اسے لوٹا دی۔“
امام طبرانی رحمہ اللہ فرماتے ہیں: ”اس حدیث کو عکرمہ سے نافع ابو ہرمز کے سوا کسی نے روایت نہیں کیا، اس میں عبدالسلام بن مطہر منفرد ہیں، اور سیدنا ابن عباس رضی اللہ عنہما سے یہ صرف اسی سند سے مروی ہے۔“