المطالب العالية بزوائد المسانيد الثمانية

وَقَالَ مُسَدَّدٌ : حَدَّثَنَا يَحْيَى ، عَنِ ابْنِ جُرَيْجٍ ، حَدَّثَنَا عَطَاءٌ ، عَنِ ابْنِ عَبَّاسٍ - رَضِيَ اللهُ عَنْهُمَا - قَالَ : التَّكْبِيرُ فِي الْفِطْرِ تَكْبِيرَةٌ وَاحِدَةٌ تُفْتَتَحُ بِهَا الصَّلَاةُ ، ثُمَّ يُكَبِّرُ خَمْسًا ، ثُمَّ يَقْرَأُ ، ثُمَّ يُكَبِّرُ فَيَرْكَعُ ، ثُمَّ يَقُومُ فَيُكَبِّرُ خَمْسًا ، ثُمَّ يَقْرَأُ ، ثُمَّ يُكَبِّرُ فَيَرْكَعُ .
764 \ 2 - وَقَالَ الْحَارِثُ : حَدَّثَنَا يَزِيدُ ، حَدَّثَنَا عَبْدُ الْمَلِكِ بْنُ أَبِي سُلَيْمَانَ ، عَنْ عَطَاءٍ ، عَنِ ابْنِ عَبَّاسٍ .
764 \ 3 - وَيَزِيدُ ، عَنْ حُمَيْدٍ ، عَنْ عَمَّارِ بْنِ أَبِي عَمَّارٍ ، عَنِ ابْنِ عَبَّاسٍ - رَضِيَ اللهُ عَنْهُمَا - نَحْوَهُ .

سیدنا عبداللہ بن عباس رضی اللہ عنہما سے روایت ہے کہ انہوں نے فرمایا: ”عید الفطر کی نماز میں (ابتدائی) تکبیر ایک ہی ہے جس کے ذریعے نماز کا آغاز کیا جاتا ہے، پھر پانچ مرتبہ (زائد) تکبیرات کہی جاتی ہیں، پھر قرات کی جاتی ہے، پھر تکبیر کہہ کر رکوع کیا جاتا ہے؛ پھر دوسری رکعت کے لیے جب قیام کیا جاتا ہے تو پانچ مرتبہ تکبیر کہی جاتی ہے، پھر قرات کی جاتی ہے اور پھر تکبیر کہہ کر رکوع کیا جاتا ہے۔“
امام مسدد نے یہ روایت یحییٰ، ابن جریج اور عطاء کے واسطے سے سیدنا ابن عباس رضی اللہ عنہما سے بیان کی۔
حارث نے یزید، عبدالملک بن ابی سلیمان اور عطاء کے واسطے سے سیدنا ابن عباس رضی اللہ عنہما سے ایسی ہی روایت نقل کی ہے۔
نیز یزید نے حمید اور عمار بن ابی عمار کے واسطے سے بھی سیدنا ابن عباس رضی اللہ عنہما سے اسی کے مانند روایت کیا ہے۔