المطالب العالية بزوائد المسانيد الثمانية

وَقَالَ أَبُو يَعْلَى : حَدَّثَنَا الْعَبَّاسُ بْنُ الْوَلِيدِ ، ثَنَا يُوسُفُ بْنُ خَالِدٍ ، عَنِ الْأَعْمَشِ ، عَنْ أَنَسٍ رَضِيَ اللهُ عَنْهُ قَالَ : إِنَّ رَسُولَ اللهِ صَلَّى اللهُ عَلَيْهِ وَسَلَّمَ رَأَى رَجُلًا يُحَرِّكُ الْحَصَى وَهُوَ فِي الصَّلَاةِ ، فَلَمَّا انْصَرَفَ قَالَ لِلرَّجُلِ : هُوَ حَظُّكَ مِنْ صَلَاتِكَ .

سیدنا انس بن مالک رضی اللہ عنہ سے روایت ہے کہ رسول اللہ ﷺ نے ایک شخص کو دیکھا جو حالتِ نماز میں کنکریوں سے کھیل رہا تھا (یعنی انہیں اپنی جگہ سے ہلا رہا تھا)، پس جب آپ ﷺ نماز سے فارغ ہوئے تو اس شخص سے فرمایا: ”یہی (فضول عمل) تمہاری نماز میں سے تمہارا نصیب اور حصہ ہے۔“
اس حدیث کو امام ابو یعلیٰ نے اپنی مسند (488) میں روایت کیا ہے، اس کی سند میں یوسف بن خالد الصمتی نامی راوی متروک اور کذاب ہے، جس کی بنا پر یہ روایت سخت ضعیف اور ناقابلِ احتجاج ہے۔