المطالب العالية بزوائد المسانيد الثمانية

وَقَالَ إِسْحَاقُ : أَخْبَرَنَا وَهْبُ بْنُ جَرِيرٍ ، حَدَّثَنِي أَبِي ، حَدَّثَنَا مُحَمَّدُ بْنُ إِسْحَاقَ ، قَالَ : حَدَّثَنِي الزُّهْرِيُّ ، عَنْ عُبَيْدِ اللهِ بْنِ عُتْبَةَ ، عَنِ ابْنِ عَبَّاسٍ رَضِيَ اللهُ عَنْهُمَا ، قَالَ : خَرَجَ رَسُولُ اللهِ صَلَّى اللهُ عَلَيْهِ وَسَلَّمَ إِلَى مَكَّةَ لِعَشْرٍ مَضَيْنَ مِنْ رَمَضَانَ ، فَصَامَ وَصَامَ النَّاسُ ، حَتَّى إِذَا كَانَ بِالْكَدِيدِ أَفْطَرَ ، فَنَزَلَ صَلَّى اللهُ عَلَيْهِ وَسَلَّمَ مَرَّ الظَّهْرَانِ فِي عَشَرَةِ آلَافٍ مِنَ النَّاسِ ، فِيهِمْ أَلْفٌ مِنْ مُزَيْنَةَ ، وَسَبْعُمِائَةٍ مِنْ بَنِي سُلَيْمٍ ، وَقَدْ عَمِيَتِ الْأَخْبَارُ عَلَى قُرَيْشٍ ، فَلَا يَأْتِيهِمْ خَبَرٌ عَنِ النَّبِيِّ صَلَّى اللهُ عَلَيْهِ وَسَلَّمَ ، وَلَا يَدْرُونَ مَا هُوَ فَاعِلُهُ ، وَقَدْ خَرَجَ تِلْكَ اللَّيْلَةَ أَبُو سُفْيَانَ بْنُ حَرْبٍ ، وَحَكِيمُ بْنُ حِزَامٍ ، وَبُدَيْلُ بْنُ وَرْقَاءَ الْخُزَاعِيُّ ، يَتَحَسَّسُونَ الْأَخْبَارَ قَالَ الْعَبَّاسُ : فَلَمَّا نَزَلَ رَسُولُ اللهِ صَلَّى اللهُ عَلَيْهِ وَسَلَّمَ حَيْثُ نَزَلَ ، قُلْتُ : وَاصَبَاحَ قُرَيْشٍ ، وَاللهِ لَئِنْ دَخَلَ رَسُولُ اللهِ صَلَّى اللهُ عَلَيْهِ وَسَلَّمَ مَكَّةَ عَنْوَةً لَيَكُونَنَّ هَلَاكُهُمْ إِلَى آخِرِ الدَّهْرِ ، فَرَكِبْتُ بَغْلَةَ رَسُولِ اللهِ صَلَّى اللهُ عَلَيْهِ وَسَلَّمَ الْبَيْضَاءَ ، حَتَّى جِئْتُ الْأَرَاكَ ، رَجَاءَ أَنْ أَلْتَمِسَ بَعْضَ الْحَطَّابَةِ أَوْ صَاحِبَ لَبَنٍ ، أَوْ ذَا حَاجَةٍ يَأْتِي مَكَّةَ فَيُخْبِرُهُمْ بِأَمْرِ رَسُولِ اللهِ صَلَّى اللهُ عَلَيْهِ وَسَلَّمَ فَيَخْرُجُوا إِلَيْهِ ، فَوَاللهِ إِنِّي لَأَسِيرُ أَلْتَمِسُ مَا جِئْتُ لَهُ ، إِذَا سَمِعْتُ كَلَامَ أَبِي سُفْيَانَ وَبُدَيْلِ بْنِ وَرْقَاءَ ، وَهُمَا يَتَرَاجَعَانِ ، فَقَالَ أَبُو سُفْيَانَ : وَاللهِ مَا رَأَيْتُ كَاللَّيْلَةِ نِيرَانًا وَلَا عَسْكَرًا ، فَقَالَ بُدَيْلٌ : هَذِهِ وَاللهِ خُزَاعَةُ قَدْ خَمَشَتْهَا الْحَرْبُ ، فَقَالَ أَبُو سُفْيَانَ : خُزَاعَةُ وَاللهِ أَقَلُّ وَأَذَلُّ مِنْ أَنْ تَكُونَ هَذِهِ نِيرَانُهَا ، فَقُلْتُ : يَا أَبَا حَنْظَلَةَ ، فَعَرَفَ صَوْتِي فَقَالَ : أَبُو الْفَضْلِ ؟ قُلْتُ : نَعَمْ ، قَالَ : مَا لَكَ فِدَاكَ أَبِي وَأُمِّي ؟ فَقُلْتُ : هَذَا وَاللهِ رَسُولُ اللهِ صَلَّى اللهُ عَلَيْهِ وَسَلَّمَ فِي النَّاسِ ، وَاصَبَاحَ قُرَيْشٍ ، قَالَ : فَمَا الْحِيلَةُ فِدَاكَ أَبِي وَأُمِّي ، قَالَ : قُلْتُ : وَاللهِ لَئِنْ ظَفِرَ بِكَ لَيَضْرِبَنَّ عُنُقَكَ ، فَارْكَبْ عَجُزَ هَذِهِ الْبَغْلَةِ ، فَرَكِبَ وَرَجَعَ صَاحِبَاهُ ، فَخَرَجْتُ بِهِ ، فَكُلَّمَا مَرَرْتُ بِنَارٍ مِنْ نِيرَانِ الْمُسْلِمِينَ فَقَالُوا : مَا هَذَا ؟ فَإِذَا رَأَوْا بَغْلَةَ رَسُولِ اللهِ صَلَّى اللهُ عَلَيْهِ وَسَلَّمَ قَالُوا : هَذِهِ بَغْلَةُ رَسُولِ اللهِ صَلَّى اللهُ عَلَيْهِ وَسَلَّمَ عَلَيْهَا عَمُّهُ ، حَتَّى مَرَرْتُ بِنَارِ عُمَرَ بْنِ الْخَطَّابِ ، فَقَالَ : مَنْ هَذَا ؟ وَقَامَ إِلَيَّ ، فَلَمَّا رَآهُ عَلَى عَجُزِ الْبَغْلَةِ عَرَفَهُ ، فَقَالَ : وَاللهِ عَدُوُّ اللهِ ، الْحَمْدُ لِلهِ الَّذِي أَمْكَنَ مِنْكَ ، فَخَرَجَ يَشْتَدُّ نَحْوَ رَسُولِ اللهِ صَلَّى اللهُ عَلَيْهِ وَسَلَّمَ ، وَدَفَعْتُ الْبَغْلَةَ فَسَبَقْتُهُ بِقَدْرِ مَا تَسْبِقُ الدَّابَّةُ الْبَطِيئَةُ الرَّجُلَ الْبَطِيءَ ، فَاقْتَحَمْتُ عَنِ الْبَغْلَةِ فَدَخَلْتُ عَلَى رَسُولِ اللهِ صَلَّى اللهُ عَلَيْهِ وَسَلَّمَ ، وَدَخَلَ عُمَرُ ، فَقَالَ : هَذَا عَدُوُّ اللهِ أَبُو سُفْيَانَ قَدْ أَمْكَنَ اللهُ مِنْهُ فِي غَيْرِ عَقْدٍ وَلَا عَهْدٍ ، فَدَعْنِي أَضْرِبْ عُنُقَهُ ، فَقُلْتُ : قَدْ أَجَرْتُهُ يَا رَسُولَ اللهِ ، ثُمَّ جَلَسْتُ إِلَى رَسُولِ اللهِ صَلَّى اللهُ عَلَيْهِ وَسَلَّمَ فَأَخَذْتُ بِرَأْسِهِ ، فَقُلْتُ : وَاللهِ لَا يُنَاجِيهِ اللَّيْلَةَ رَجُلٌ دُونِي ، فَلَمَّا أَكْثَرَ عُمَرُ قُلْتُ : مَهْلًا يَا عُمَرُ ، فَوَاللهِ لَوْ كَانَ رَجُلًا مِنْ بَنِي عَدِيٍّ مَا قُلْتَ هَذَا ، وَلَكِنَّهُ مِنْ بَنِي عَبْدِ مَنَافٍ فَقَالَ : مَهْلًا يَا عَبَّاسُ ، لَا تَقُلْ هَذَا ، فَوَاللهِ لَإِسْلَامُكَ حِينَ أَسْلَمْتَ كَانَ أَحَبَّ إِلَيَّ مِنْ إِسْلَامِ أَبِي الْخَطَّابِ لَوْ أَسْلَمَ ، وَذَلِكَ أَنِّي عَرَفْتُ أَنَّ إِسْلَامَكَ أَحَبُّ إِلَى رَسُولِ اللهِ صَلَّى اللهُ عَلَيْهِ وَسَلَّمَ مِنْ إِسْلَامِ الْخَطَّابِ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : يَا عَبَّاسُ ، اذْهَبْ بِهِ إِلَى رَحْلِكَ ، فَإِذَا أَصْبَحْتَ فَأْتِنَا بِهِ ، فَذَهَبْتُ بِهِ إِلَى الرَّحْلِ ، فَلَمَّا أَصْبَحْتُ غَدَوْتُ بِهِ ، فَلَمَّا رَآهُ رَسُولُ اللهِ صَلَّى اللهُ عَلَيْهِ وَسَلَّمَ قَالَ : يَا أَبَا سُفْيَانَ ، أَلَمْ يَأْنِ لَكَ أَنْ تَعْلَمَ أَنْ لَا إِلَهَ إِلَّا اللهُ ؟ فَقَالَ : بِأَبِي وَأُمِّي مَا أَحْلَمَكَ ، وَمَا أَكْرَمَكَ وَأَوْصَلَكَ ، وَأَعْظَمَ عَفْوَكَ ، لَقَدْ كَادَ أَنْ يَقَعَ فِي نَفْسِي أَنْ لَوْ كَانَ إِلَهٌ غَيْرَهُ لَقَدْ أَغْنَى شَيْئًا بَعْدُ ، فَقَالَ صَلَّى اللهُ عَلَيْهِ وَسَلَّمَ : وَيْحَكَ يَا أَبَا سُفْيَانَ ، أَلَمْ يَأْنِ لَكَ أَنْ تَعْلَمَ أَنِّي رَسُولُ اللهِ ؟ فَقَالَ : بِأَبِي وَأُمِّي ، مَا أَحْلَمَكَ ، وَأَكْرَمَكَ ، وَأَوْصَلَكَ ، وَأَعْظَمَ عَفْوَكَ ، أَمَّا هَذِهِ فَإِنَّ فِي النَّفْسِ مِنْهَا حَتَّى الْآنَ شَيْءٌ ، قَالَ الْعَبَّاسُ : فَقُلْتُ : وَيْلَكَ ، أَسْلِمْ وَاشْهَدْ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ قَبْلَ أَنْ يُضْرَبَ عُنُقُكَ ، فَشَهِدَ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ ، قَالَ الْعَبَّاسُ : فَقُلْتُ : يَا رَسُولَ اللهِ ، إِنَّ أَبَا سُفْيَانَ رَجُلٌ يُحِبُّ الْفَخْرَ ، فَاجْعَلْ لَهُ شَيْئًا ، فَقَالَ صَلَّى اللهُ عَلَيْهِ وَسَلَّمَ : نَعَمْ ، مَنْ دَخَلَ دَارَ أَبِي سُفْيَانَ فَهُوَ آمِنٌ ، وَمَنْ أَغْلَقَ بَابَهُ فَهُوَ آمِنٌ ، فَلَمَّا انْصَرَفَ إِلَى مَكَّةَ لِيُخْبِرَهُمْ ، قَالَ رَسُولُ اللهِ صَلَّى اللهُ عَلَيْهِ وَسَلَّمَ : احْبِسْهُ بِمَضِيقٍ مِنَ الْوَادِي عِنْدَ حَطْمِ الْخَيْلِ ، حَتَّى تَمُرَّ بِهِ جُنُودُ اللهِ ، فَحَبَسَهُ الْعَبَّاسُ حَيْثُ أَمَرَهُ رَسُولُ اللهِ صَلَّى اللهُ عَلَيْهِ وَسَلَّمَ ، فَمَرَّتِ الْقَبَائِلُ عَلَى رَايَاتِهَا ، فَكُلَّمَا مَرَّتْ رَايَةٌ ، قَالَ : مَنْ هَذِهِ ؟ فَأَقُولُ : بَنُو سُلَيْمٍ فَيَقُولُ : مَا لِي وَلِبَنِي سُلَيْمٍ ، ثُمَّ تَمُرُّ أُخْرَى ، فَيَقُولُ : مَنْ هَؤُلَاءِ ؟ فَأَقُولُ : مُزَيْنَةُ ، فَيَقُولُ : مَا لِي وَلِمُزَيْنَةَ ، فَلَمْ يَزَلْ يَقُولُ ذَلِكَ حَتَّى مَرَّتْ كَتِيبَةُ رَسُولِ اللهِ صَلَّى اللهُ عَلَيْهِ وَسَلَّمَ الْخَضْرَاءُ ، فِيهَا الْمُهَاجِرُونَ وَالْأَنْصَارُ ، لَا يُرَى مِنْهُمْ إِلَّا الْحَدَقُ ، قَالَ : مَنْ هَذَا ؟ فَقُلْتُ : هَذَا رَسُولُ اللهِ صَلَّى اللهُ عَلَيْهِ وَسَلَّمَ فِي الْمُهَاجِرِينَ وَالْأَنْصَارِ ، فَقَالَ : مَا لِأَحَدٍ بِهَؤُلَاءِ قِبَلٌ ، وَاللهِ لَقَدْ أَصْبَحَ مُلْكُ ابْنِ أَخِيكَ الْيَوْمَ لَعَظِيمٌ ، فَقُلْتُ : وَيْحَكَ يَا أَبَا سُفْيَانَ ، إِنَّهَا النُّبُوَّةُ ، قَالَ : فَنَعَمْ إِذًا ، فَقُلْتُ : النَّجَاءُ إِلَى قَوْمِكَ ، فَخَرَجَ حَتَّى أَتَاهُمْ بِمَكَّةَ ، فَجَعَلَ يَصِيحُ بِأَعْلَى صَوْتِهِ : يَا مَعْشَرَ قُرَيْشٍ ، هَذَا مُحَمَّدٌ ، قَدْ أَتَاكُمْ بِمَا لَا قِبَلَ لَكُمْ بِهِ ، فَقَامَتِ امْرَأَتُهُ هِنْدُ بِنْتُ عُتْبَةَ ، فَأَخَذَتْ بِشَارِبِهِ ، فَقَالَتِ : اقْتُلُوا الْحَمِيتَ الدَّسِمَ ، حَمِسَ الْبَعِيرُ مِنْ طَلِيعَةِ قَوْمٍ ، فَقَالَ أَبُو سُفْيَانَ : لَا تَغُرَّنَّكُمْ هَذِهِ مِنْ أَنْفُسِكُمْ ، مَنْ دَخَلَ دَارَ أَبِي سُفْيَانَ فَهُوَ آمِنٌ ، فَقَالُوا : قَاتَلَكَ اللهُ ، وَمَا يُغْنِي عَنَّا دَارُكَ ؟ قَالَ : وَمَنْ أَغْلَقَ بَابَهُ فَهُوَ آمِنٌ .
هَذَا حَدِيثٌ صَحِيحٌ .
وَرَوَى مَعْمَرٌ ، وَابْنُ عُيَيْنَةَ ، وَمَالِكٌ ، عَنِ الزُّهْرِيِّ ، طَرَفًا مِنْهُ فِي قِصَّةِ الصَّوْمِ ، وَأَخْرَجَ ذَلِكَ الشَّيْخَانِ وَغَيْرُهُمَا .
وَرَوَى أَحْمَدُ طَرَفًا مِنْهُ مِنْ حَدِيثِ ابْنِ إِسْحَاقَ .
وَرَوَى أَبُو دَاوُدَ طَرَفًا مِنْهُ مِنْ قِصَّةِ أَبِي سُفْيَانَ مُخْتَصَرًا جِدًّا ، وَلَمْ يَسُقْهُ أَحَدٌ مِنَ الْأَئِمَّةِ السِّتَّةِ ، وَأَحْمَدُ بِتَمَامِهِ .
وَرَوَاهُ الذُّهْلِيُّ بِتَمَامِهِ بِالزُّهْرِيَّاتِ مِنْ طَرِيقِ أَبِي إِدْرِيسَ ، عَنْ مُحَمَّدِ بْنِ إِسْحَاقَ ، لَكِنْ لَيْسَ فِيهِ تَصْرِيحُ ابْنِ إِسْحَاقَ بِسَمَاعِهِ لَهُ مِنَ الزُّهْرِيِّ ، وَالسِّيَاقُ الَّذِي هُنَا حَسَنٌ جِدًّا .

سیدنا عبداللہ بن عباس رضی اللہ عنہما سے روایت ہے کہ رسول اللہ ﷺ رمضان المبارک کی دس تاریخ کو مکہ مکرمہ کی طرف روانہ ہوئے، آپ ﷺ نے خود بھی روزہ رکھا اور لوگوں نے بھی، یہاں تک کہ جب آپ ﷺ مقامِ کدید پر پہنچے تو روزہ افطار فرما دیا، پھر آپ ﷺ دس ہزار کے لشکرِ جرار کے ساتھ مقامِ مر الظہران پر خیمہ زن ہوئے، اس لشکر میں ایک ہزار مجاہدین قبیلہ مزینہ سے اور سات سو بنو سلیم سے تعلق رکھتے تھے، ادھر قریش تک مسلمانوں کی نقل و حرکت کی خبریں نہیں پہنچ رہی تھیں اور انہیں علم نہ تھا کہ نبی کریم ﷺ کیا ارادہ رکھتے ہیں، اسی رات ابوسفیان بن حرب، حکیم بن حزام اور بدیل بن ورقاء خزاعی خبروں کی ٹوہ لینے کے لیے نکلے، سیدنا عباس رضی اللہ عنہ بیان کرتے ہیں کہ جب رسول اللہ ﷺ نے اپنی منزل پر قیام فرما لیا تو میں نے (نہایت فکر مندی سے) سوچا: ”ہائے قریش کی صبح کی بربادی! اللہ کی قسم! اگر رسول اللہ ﷺ مکہ میں بزورِ شمشیر داخل ہو گئے تو قریش ہمیشہ کے لیے ہلاک و برباد ہو جائیں گے“، چنانچہ میں رسول اللہ ﷺ کی سفید خچر پر سوار ہوا اور مقامِ اراک تک پہنچا اس امید میں کہ شاید کوئی لکڑہارا، دودھ والا یا کوئی ضرورت مند مل جائے جو مکہ جا کر انہیں رسول اللہ ﷺ کی آمد کی خبر دے دے تاکہ وہ (جنگ سے قبل ہی) آپ ﷺ کی خدمت میں حاضر ہو کر امان حاصل کر لیں، عباس رضی اللہ عنہ کہتے ہیں کہ اللہ کی قسم! میں اسی مقصد کے لیے جا رہا تھا کہ اچانک مجھے ابوسفیان اور بدیل بن ورقاء کی گفتگو سنائی دی جو آپس میں بحث کر رہے تھے، ابوسفیان کہہ رہا تھا: ”اللہ کی قسم! میں نے آج کی رات جیسی کثیر آگ اور اتنا بڑا لشکر کبھی نہیں دیکھا“، بدیل نے کہا: ”خدا کی قسم! یہ قبیلہ خزاعہ ہے جسے جنگ نے مشتعل کر دیا ہے“، ابوسفیان نے جواب دیا: ”خزاعہ کی اتنی حیثیت و وقعت نہیں کہ یہ ان کی آگ ہو“، عباس رضی اللہ عنہ کہتے ہیں کہ میں نے آواز دی: ”اے ابوحنظلہ!“ ابوسفیان نے میری آواز پہچان لی اور کہا: ”ابوالفضل؟“ میں نے کہا: ”جی ہاں“، اس نے کہا: ”تمہارے لیے میرے ماں باپ فدا ہوں، کیا خبر ہے؟“ میں نے کہا: ”اللہ کی قسم! یہ رسول اللہ ﷺ اپنے عظیم لشکر کے ساتھ آ پہنچے ہیں، ہائے قریش کی بربادی!“ ابوسفیان نے گھبرا کر پوچھا: ”میرے ماں باپ تم پر قربان، اب بچاؤ کی کیا صورت ہے؟“ میں نے کہا: ”اللہ کی قسم! اگر آپ ﷺ تجھ پر قابو پا گئے تو تیری گردن اڑا دیں گے، لہٰذا اس خچر کے پیچھے سوار ہو جا“، چنانچہ وہ سوار ہو گیا اور اس کے ساتھی واپس لوٹ گئے، میں اسے لے کر چلا اور جب بھی مسلمانوں کی کسی آگ (کیمپ) کے پاس سے گزرتا تو وہ پوچھتے: ”یہ کون ہے؟“ لیکن جب وہ رسول اللہ ﷺ کی خچر اور اس پر ان کے چچا کو دیکھتے تو کہتے: ”یہ تو رسول اللہ ﷺ کی خچر ہے جس پر ان کے چچا سوار ہیں“، یہاں تک کہ میرا گزر سیدنا عمر بن خطاب رضی اللہ عنہ کی آگ کے پاس سے ہوا، انہوں نے پوچھا: ”یہ کون ہے؟“ اور میری طرف بڑھے، جب انہوں نے خچر کے پیچھے ابوسفیان کو دیکھا تو پہچان لیا اور پکار اٹھے: ”اللہ کی قسم! یہ اللہ کا دشمن ابوسفیان ہے، اس اللہ کا شکر ہے جس نے بغیر کسی عہد و پیمان کے تجھے ہمارے قابو میں دے دیا“، پھر وہ تیزی سے رسول اللہ ﷺ کے خیمے کی طرف دوڑے اور میں نے بھی خچر کو ایڑ لگائی تو ایک سست رفتار جانور جس طرح ایک سست رفتار آدمی سے آگے نکل جاتا ہے، میں اسی طرح ان سے پہلے پہنچ گیا، میں خچر سے کود کر رسول اللہ ﷺ کے پاس داخل ہوا تو پیچھے سے عمر رضی اللہ عنہ بھی آ گئے اور عرض کی: ”یا رسول اللہ! یہ اللہ کا دشمن ابوسفیان ہے، اللہ نے اسے بغیر کسی معاہدے کے ہمارے قبضے میں دے دیا ہے، لہٰذا مجھے اجازت دیں کہ میں اس کی گردن اڑا دوں“، میں نے عرض کی: ”یا رسول اللہ! میں نے اسے پناہ دے دی ہے“، پھر میں آپ ﷺ کے پاس بیٹھ گیا اور آپ ﷺ کا سرِ مبارک تھام کر عرض کی: ”آج کی رات میرے علاوہ کوئی اور آپ ﷺ سے اس کے بارے میں سرگوشی نہیں کرے گا“، جب عمر رضی اللہ عنہ نے اپنی بات پر اصرار کیا تو میں نے کہا: ”اے عمر! ٹھہر جاؤ، اللہ کی قسم! اگر یہ بنو عدی کا کوئی آدمی ہوتا تو تم ایسی بات نہ کرتے، لیکن تم جانتے ہو کہ یہ بنو عبد مناف سے ہے“، عمر رضی اللہ عنہ نے جواب دیا: ”اے عباس! آپ ایسی بات نہ کریں، اللہ کی قسم! جس دن آپ اسلام لائے تھے تو آپ کا اسلام لانا مجھے اپنے والد خطاب کے اسلام لانے سے زیادہ محبوب تھا (اگر وہ اسلام لاتے)، کیونکہ میں جانتا تھا کہ آپ کا اسلام لانا رسول اللہ ﷺ کو خطاب کے اسلام لانے سے زیادہ محبوب ہے“، تب رسول اللہ ﷺ نے فرمایا: ”اے عباس! اسے اپنے ڈیرے پر لے جاؤ اور صبح میرے پاس لانا“، صبح جب میں اسے لے کر حاضر ہوا تو رسول اللہ ﷺ نے اسے دیکھ کر فرمایا: ”اے ابوسفیان! کیا ابھی وہ وقت نہیں آیا کہ تم یہ جان لو کہ اللہ کے سوا کوئی سچا معبود نہیں؟“ ابوسفیان نے کہا: ”میرے ماں باپ آپ پر قربان! آپ کتنے بردبار، کتنے سخی اور کتنے صلہ رحمی کرنے والے ہیں، اور کتنا عظیم ہے آپ کا عفو و درگزر، اللہ کی قسم! میرے دل میں یہ خیال آتا رہا ہے کہ اگر اللہ کے سوا کوئی اور معبود ہوتا تو وہ آج ضرور میرے کام آتا“، آپ ﷺ نے فرمایا: ”تیرا بھلا ہو اے ابوسفیان! کیا ابھی وہ وقت نہیں آیا کہ تم یہ جان لو کہ میں اللہ کا رسول ہوں؟“ اس نے کہا: ”میرے ماں باپ آپ پر قربان! آپ کتنے بردبار، سخی اور صلہ رحمی والے ہیں، لیکن اس (رسالت) کے بارے میں ابھی تک دل میں کچھ کھٹک باقی ہے“، عباس رضی اللہ عنہ کہتے ہیں کہ میں نے اس سے کہا: ”تیری ہلاکت ہو! اس سے پہلے کہ تیری گردن اڑا دی جائے، اسلام قبول کر لے اور گواہی دے کہ اللہ کے سوا کوئی معبود نہیں اور محمد ﷺ اللہ کے رسول ہیں“، چنانچہ اس نے کلمہ شہادت پڑھ لیا، عباس رضی اللہ عنہ نے عرض کی: ”یا رسول اللہ! ابوسفیان اعزاز و منصب کو پسند کرنے والا آدمی ہے، لہٰذا اس کے لیے کوئی امتیازی خصوصیت مقرر فرما دیں“، آپ ﷺ نے فرمایا: ”ٹھیک ہے، جو شخص ابوسفیان کے گھر میں داخل ہو جائے وہ مامون ہے، اور جو اپنے گھر کا دروازہ بند کر لے اسے بھی امان ہے“، جب وہ مکہ والوں کو خبر دینے کے لیے واپس مڑنے لگا تو رسول اللہ ﷺ نے فرمایا: ”اے عباس! اسے وادی کے تنگ مقام پر پہاڑ کی چوٹی کے پاس روک لو تاکہ اللہ کے لشکر اس کے سامنے سے گزریں“، میں نے اسے وہیں روک لیا جہاں آپ ﷺ نے حکم دیا تھا، قبائل اپنے اپنے پرچموں تلے گزرنے لگے، جب بھی کوئی قبیلہ گزرتا تو ابوسفیان پوچھتا: ”یہ کون ہیں؟“ میں کہتا: ”بنو سلیم“، وہ کہتا: ”مجھے بنو سلیم سے کیا لینا دینا؟“ پھر دوسرا قبیلہ گزرتا تو وہ پوچھتا: ”یہ کون ہیں؟“ میں کہتا: ”قبیلہ مزینہ“، وہ کہتا: ”مجھے مزینہ سے کیا تعلق؟“ یہاں تک کہ رسول اللہ ﷺ کا سبز دستہ (الکتیبۃ الخضراء) گزرا جس میں مہاجرین و انصار شامل تھے اور آہنی لباس کی وجہ سے ان کی صرف آنکھیں نظر آ رہی تھیں، ابوسفیان نے حیرت سے پوچھا: ”یہ کون لوگ ہیں؟“ میں نے کہا: ”یہ رسول اللہ ﷺ ہیں جو مہاجرین اور انصار کے جھرمٹ میں تشریف فرما ہیں“، ابوسفیان نے بے ساختہ کہا: ”ان کا مقابلہ کرنے کی کسی میں طاقت نہیں، اللہ کی قسم! تمہارے بھتیجے کی سلطنت تو آج بہت عظیم ہو گئی ہے“، میں نے کہا: ”اے ابوسفیان! یہ سلطنت نہیں بلکہ نبوت ہے“، اس نے کہا: ”ہاں! پھر تو ٹھیک ہے“، میں نے کہا: ”اب اپنی قوم کی طرف بھاگو اور انہیں بچاؤ“، چنانچہ وہ مکہ پہنچا اور بلند آواز سے چیخ کر کہنے لگا: ”اے گروہِ قریش! یہ محمد ﷺ ایسا لشکر لے کر آ پہنچے ہیں جس کا تم مقابلہ نہیں کر سکتے، لہٰذا جو ابوسفیان کے گھر میں داخل ہو جائے اسے امان ہے“، اس کی بیوی ہند بنت عتبہ کھڑی ہوئی اور اس کی مونچھیں پکڑ کر کہنے لگی: ”اس بدبودار چمڑے کے تھیلے کو قتل کر دو، یہ اپنی قوم کا کتنا برا ہراول دستہ ثابت ہوا ہے“، ابوسفیان نے کہا: ”لوگو! یہ عورت تمہیں دھوکے میں نہ ڈال دے، جو ابوسفیان کے گھر میں داخل ہو گیا اسے امان ہے“، لوگوں نے کہا: ”اللہ تجھے غارت کرے! تیرا گھر ہمارے کتنے کام آئے گا؟“ اس نے کہا: ”اور جو اپنے گھر کا دروازہ بند کر لے اسے بھی امان ہے“۔
یہ حدیث صحیح ہے، اور معمر، ابن عیینہ اور امام مالک نے زہری سے اس کا کچھ حصہ روزے کے قصے کے ضمن میں روایت کیا ہے جسے شیخین (بخاری و مسلم) وغیرہ نے نکالا ہے، امام احمد نے اس کا کچھ حصہ ابن اسحاق کی حدیث سے روایت کیا ہے، امام ابوداؤد نے ابوسفیان کے قصے کا ایک حصہ نہایت مختصر روایت کیا ہے، ائمہ ستہ میں سے کسی نے اور نہ ہی امام احمد نے اسے اس تمام تفصیل کے ساتھ روایت کیا ہے، امام ذہلی نے 'زہریات' میں ابوادریس کے واسطے سے محمد بن اسحاق سے اسے مکمل نقل کیا ہے، لیکن اس میں ابن اسحاق کی زہری سے سماع کی تصریح موجود نہیں ہے، جبکہ یہاں موجود سیاق نہایت عمدہ ہے۔