المطالب العالية بزوائد المسانيد الثمانية

قَالَ إِسْحَاقُ : أَخْبَرَنَا سَعِيدُ بْنُ عَامِرٍ الضُّبَعِيُّ ، حَدَّثَنَا شُعْبَةُ ، عَنِ الْأَعْمَشِ قَالَ : قُلْتُ لِإِبْرَاهِيمَ : إِنَّكَ تُحَدِّثُنِي فَأَسْنِدْهُ لِي ، قَالَ : مَا قُلْتُ لَكَ : قَالَ عَبْدُ اللهِ ، فَقَدْ حَدَّثَنِي بِهِ غَيْرُ وَاحِدٍ ، عَنْ عَبْدِ اللهِ ، وَإِذَا سَمَّيْتُ ، فَهُوَ مَنْ سَمَّيْتُ .

اعمش رحمہ اللہ سے روایت ہے کہ میں نے ابراہیم نخعی رحمہ اللہ سے گزارش کی: ”آپ جو احادیث مجھ سے بیان فرماتے ہیں، ان کی سند بھی مجھے سنا دیا کریں“، اس پر انہوں نے جواب دیا: ”جب میں تم سے یہ کہوں کہ «قَالَ عَبْدُ اللهِ» ”سیدنا عبداللہ بن مسعود رضی اللہ عنہ نے فرمایا“ تو (جان لو کہ) یہ بات مجھ سے متعدد راویوں نے سیدنا عبداللہ بن مسعود رضی اللہ عنہ کے واسطے سے بیان کی ہے، لیکن جب میں کسی معین شخص کا نام لے کر روایت کروں تو وہ اسی ایک شخص سے مروی ہوتی ہے جس کا میں نے نام لیا ہوتا ہے“۔
یہ اثر امام اسحاق بن راہویہ نے اپنی مسند میں روایت کیا ہے اور اس کی سند صحیح ہے۔