المطالب العالية بزوائد المسانيد الثمانية

وَقَالَ أَحْمَدُ بْنُ مَنِيعٍ : حَدَّثَنَا مُعَاوِيَةُ بْنُ عَمْرٍو ، حَدَّثَنَا رِشْدِينُ ، عَنْ أَبِي عَبْدِ اللهِ ، عَنْ عَمْرِو بْنِ شُعَيْبٍ ، عَنْ أَبِيهِ ، عَنْ جَدِّهِ ، عَنِ النَّبِيِّ صَلَّى اللهُ عَلَيْهِ وَسَلَّمَ ، قَالَ : " خَصْلَتَانِ مَنْ كَانَتَا فِيهِ كَتَبَهُ اللهُ تَعَالَى شَاكِرًا صَابِرًا : مَنْ نَظَرَ إِلَى مَنْ هُوَ فَوْقَهُ فِي دِينِهِ ، فَاقْتَدَى بِهِ ، وَمَنْ نَظَرَ إِلَى مَنْ هُوَ دُونَهُ فِي دُنْيَاهُ ، فَحَمِدَ اللهَ تَعَالَى عَلَى مَا فَضَّلَهُ بِهِ عَلَيْهِ ، وَخَصْلَتَانِ مَنْ كَانَتَا فِيهِ لَمْ يَكْتُبْهُ اللهُ صَابِرًا ، وَلَمْ يَكْتُبْهُ شَاكِرًا : مَنْ نَظَرَ إِلَى مَنْ هُوَ فَوْقَهُ فِي دِينِهِ ، فَلَمْ يَقْتَدِ بِهِ ، وَنَظَرَ إِلَى مَنْ هُوَ فَوْقَهُ فِي دُنْيَاهُ ، فَأَسِفَ عَلَيْهِ " .

سیدنا عبداللہ بن عمرو بن عاص رضی اللہ عنہما سے مروی ہے کہ نبی کریم ﷺ نے فرمایا: ”دو خصلتیں ایسی ہیں کہ جس شخص میں وہ پائی جائیں، اللہ تعالیٰ اسے شکر گزار اور صبر کرنے والا لکھ دیتا ہے: ایک وہ شخص جو دین کے معاملے میں اپنے سے برتر انسان کو دیکھے اور اس کی پیروی کرے، اور دوسرا وہ شخص جو دنیاوی مال و متاع میں اپنے سے کم تر انسان کو دیکھے اور اللہ تعالیٰ کی ان نعمتوں پر اس کی حمد و ثنا کرے جو اسے دوسروں پر فضیلت دے کر عطا کی گئی ہیں۔ اور دو خصلتیں ایسی ہیں کہ جس شخص میں وہ ہوں گی اللہ تعالیٰ اسے نہ تو صابر لکھے گا اور نہ ہی شاکر: ایک وہ شخص جو دین کے معاملے میں اپنے سے برتر شخص کو دیکھے مگر اس کی پیروی نہ کرے، اور دوسرا وہ شخص جو دنیاوی آسائشوں میں اپنے سے بلند تر شخص کو دیکھے اور (اپنی محرومی پر) کڑھتا رہے اور افسوس کرتا رہے۔“
یہ حدیث سنن ترمذی (2512) میں بھی موجود ہے، امام ترمذی نے اسے حسن قرار دیا ہے، اگرچہ اس کی سند میں رشدین بن سعد ضعیف راوی ہیں، لیکن دیگر شواہد کی بنا پر اس کا مفہوم صحیح و مستند ہے۔