المطالب العالية بزوائد المسانيد الثمانية

وَقَالَ الطَّيَالِسِيُّ : حَدَّثَنَا طَلْحَةُ الْأَعْمَى ، عَنْ رَجُلٍ قَدْ سَمَّاهُ ، عَنِ ابْنِ عَبَّاسٍ رَضِيَ اللهُ عَنْهُ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ لِفِتْيَانِ قُرَيْشٍ : لَا تَزْنُوا فَإِنَّهُ مَنْ سَلَّمَ اللهُ تَعَالَى لَهُ شَبَابَهُ دَخَلَ الْجَنَّةَ . أَخْرَجَهُ الْبَزَّارُ مِنْ طَرِيقِ الْجُرَيْرِيِّ ، عَنْ أَبِي نَضْرَةَ ، عَنِ ابْنِ عَبَّاسٍ رَضِيَ اللهُ عَنْهُ ، وَقَالَ : لَا نَعْلَمُهُ بِهَذَا اللَّفْظِ إِلَّا بِهَذَا الْإِسْنَادِ .

امام طیالسی رحمہ اللہ نے بیان کیا کہ ہمیں طلحہ الاعمی نے ایک شخص (جس کا انہوں نے نام لیا تھا) کے واسطے سے خبر دی کہ سیدنا ابن عباس رضی اللہ عنہ سے روایت ہے، وہ فرماتے ہیں کہ رسول اللہ ﷺ نے قریش کے نوجوانوں سے ارشاد فرمایا: ”تم بدکاری (زنا) کے مرتکب نہ ہونا، کیونکہ جس شخص کی جوانی کو اللہ تعالیٰ نے (گناہوں سے) محفوظ و سلامت رکھا وہ جنت میں داخل ہوگیا“۔
اس حدیث کو امام بزار نے بھی جریری کے واسطے سے ابونضرہ سے اور انہوں نے سیدنا ابن عباس رضی اللہ عنہ سے روایت کیا ہے، اور امام بزار فرماتے ہیں کہ ہم ان الفاظ کے ساتھ اس حدیث کو صرف اسی سند سے جانتے ہیں۔