مجمع الزوائد ومنبع الفوائد

سیدنا شداد رضی اللہ عنہ کے بارے میں یہ بات منقول ہے : وہ نبی اکرم صلی اللہ علیہ وسلم کے پاس موجود تھے اور گہری گہری سانسیں لے رہے تھے ، نبی اکرم صلی اللہ علیہ وسلم نے دریافت کیا : تمہیں کیا ہوا ہے ؟ انہوں نے عرض کی : میرے لیے دنیا تنگ ہو گئی ہے ، نبی اکرم صلی اللہ علیہ وسلم نے فرمایا : تم پر کوئی حرج نہیں ہے ، شام فتح ہو گا اور تم اور تمہاری اولاد وہاں پیشواء ہوں گے ۔
یہ روایت امام طبرانی نے نقل کی ہے اس کی سند میں راویوں کی ایک جماعت ایسی ہے ، جن سے میں واقف نہیں ہوں ۔