مجمع الزوائد ومنبع الفوائد

سیدنا عقبہ بن عامر رضی اللہ عنہ بیان کرتے ہیں : نبی اکرم صلی اللہ علیہ وسلم نے ایک شخص کے بارے میں یہ فرمایا : جنہیں ” زو بجادین“ کہا: جاتا تھا کہ یہ فرمانبردار ہے ، اس کی وجہ یہ تھی کہ وہ صاحب قرآن پڑھنے کے حوالے سے اللہ کا ذکر کثرت سے کرتے تھے اور وہ بلند آواز میں دعا مانگا کرتے تھے ۔
یہ روایت امام أحمد نے اور امام طبرانی نے نقل کی ہے اور ان دونوں کی سند حسن ہے ۔

سیدنا ابن ادرع رضی اللہ عنہ بیان کرتے ہیں : میں نبی اکرم صلی اللہ علیہ وسلم کی حفاظت کیا کرتا تھا ، ایک دن آپ رات کے وقت قضائے حاجت کے لئے نکلے ، جب آپ نے مجھے ملاحظہ فرمایا ، تو آپ نے مجھے پکڑ لیا ، ہم دونوں گئے ، ہمارا گزر ایک شخص کے پاس سے ہوا ، جو نماز پڑھتے ہوئے بلند آواز میں قرآن کی تلاوت کر رہا تھا ، نبی اکرم صلی اللہ علیہ وسلم نے ارشاد فرمایا : ہو سکتا ہے یہ دکھاوا کرنے والا ہو ، راوی کہتے ہیں : میں نے عرض کی : یا رسول اللہ ! یہ شخص نماز پڑھ رہا ہے اور بلند آواز میں قرآن پڑھ رہا ہے ، راوی کہتے ہیں : پھر نبی اکرم صلی اللہ علیہ وسلم نے میرا ہاتھ پرے کیا اور ارشاد فرمایا : تم ایک دوسرے کے مقابلے میں غلبے کے اظہار کے ذریعے اس معاملے تک نہیں پہنچ پاؤ گے ۔ راوی بیان کرتے ہیں : پھر ایک رات نبی اکرم صلی اللہ علیہ وسلم باہر تشریف لائے ، میں آپ کی حفاظت کر رہا تھا آپ کسی کام کے سلسلے میں تشریف لائے تھے ، آپ نے میرا ہاتھ پکڑا ، ہم ایک شخص کے پاس سے گزرے جو نماز پڑھ رہا تھا ، وہ پڑھتے ہوئے بلند آواز میں تلاوت کر رہا تھا ، میں نے عرض کی : ہو سکتا ہے یہ شخص دکھاوا کرنے والا ہو ، نبی اکرم صلی اللہ علیہ وسلم نے فرمایا : ہرگز نہیں یہ فرمانبردار شخص ہے ، راوی کہتے ہیں : میں نے دیکھا تو وہ سیدنا عبداللہ ذو بجادین رضی اللہ عنہ تھے ۔
یہ روایت امام أحمد نے نقل کی ہے اور اس کے رجال صحیح کے رجال ہیں ۔

سیدنا عبداللہ بن مسعود رضی اللہ عنہ بیان کرتے ہیں : اللہ کی قسم ! یہ منظر آج بھی میری نگاہ میں ہے کہ غزوہ تبوک کے موقع پر ، میں نبی اکرم صلی اللہ علیہ وسلم کو سن رہا تھا ، آپ سیدنا عبداللہ ذو بجادین رضی اللہ عنہ کی قبر میں موجود تھے ، آپ کے ساتھ سیدنا ابوبکر رضی اللہ عنہ اور سیدنا عمر رضی اللہ عنہ بھی تھے ، نبی اکرم صلی اللہ علیہ وسلم نے ارشاد فرمایا : اپنے ساتھی کو مجھے پکڑاؤ ! یہاں تک کہ نبی اکرم صلی اللہ علیہ وسلم نے اُن کی لحد میں انہیں لٹایا ، جب آپ انہیں دفن کر کے فارغ ہوئے تو آپ نے قبلہ کی طرف رخ کیا اور یہ دعا کی : ” اے اللہ ! میں نے ایسی حالت میں شام کی ہے کہ میں اس سے راضی ہوں ، تو بھی اس سے راضی ہو جا ۔ “
یہ روایت امام بزار نے اپنے استاد عباد بن أحمد عرزی کے حوالے سے نقل کی ہے اور وہ متروک ہے ۔