مجمع الزوائد ومنبع الفوائد

زر بن حبیش بیان کرتے ہیں سیدنا عثمان رضی اللہ عنہ کے عہد خلافت میں ، میں وفد کے ساتھ حاضر ہوا ، میں اس وفد میں اس لئے شامل ہوا تھا ، تاکہ میری ملاقات سیدنا ابی بن کعب رضی اللہ عنہ اور نبی اکرم صلی اللہ علیہ وسلم کے اصحاب سے ہو جائے ، میری ملاقات سیدنا صفوان بن عسال مرادی رضی اللہ عنہ سے ہوئی ، میں نے ان سے دریافت کیا : آپ نے نبی اکرم صلی اللہ علیہ وسلم کی زیارت کی ہے ، تو انہوں نے جواب دیا : جی ہاں اور میں نے نبی اکرم صلی اللہ علیہ وسلم کے ساتھ بارہ غزوات میں شرکت بھی کی ہے ۔
یہ روایت امام أحمد نے نقل کی ہے اور اس کے رجال صحیح کے رجال ہیں ، صرف عاصم بن بہدلہ کا معاملہ مختلف ہے اور اس کی نقل کردہ حدیث حسن ہے ۔