مجمع الزوائد ومنبع الفوائد

سیدنا انس بن مالک رضی اللہ عنہ بیان کرتے ہیں : ایک شخص نبی اکرم صلی اللہ علیہ وسلم کے پاس آیا اس نے عرض کی : یا رسول اللہ ! آپ مجھے پہننے کے لئے کچھ دیں ، نبی اکرم صلی اللہ علیہ وسلم نے اس سے منہ پھیر لیا ، اس نے پھر عرض کی : یا رسول اللہ ! آپ مجھے پہننے کے لئے کچھ دیں ، نبی اکرم صلی اللہ علیہ وسلم نے دریافت کیا : کیا تمہارا کوئی ایسا پڑوسی نہیں ہے ؟ جس کے پاس اضافی دو کپڑے ہوں ، اس شخص نے جواب دیا : جی ہاں ہے ! ایک سے زیادہ ہیں ، نبی اکرم صلی اللہ علیہ وسلم نے ارشاد فرمایا : اللہ تعالیٰ تمہیں اور اُس کو جنت میں جمع نہیں کرے گا ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی منذر بن زیاد طائی ہے اور وہ متروک ہے ۔