مجمع الزوائد ومنبع الفوائد

سیدنا حذیفہ بن یمان رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” قرآن کو عربوں کے لحن اور ان کی آوازوں کے مطابق تلاوت کرو ، اور اہل کتاب اور فاسقوں کے لحن سے گریز کرو ، میرے بعد عنقریب ایسے لوگ آئیں گے ، جو قرآن میں ترجیع کریں گے ، جس طرح گایا جاتا ہے ، اور جس طرح رہبانیت ہوتی ہے اور جس طرح نوحہ کرنا ہے ، یہ قرآن اُن کے حلق سے آگے نہیں جائے گا ، اُن ( لوگوں ) کے دل آزمائش کا شکار ہوں گے ، اور جو لوگ ان کو اچھا سمجھتے ہوں گے ، اُن کے دل بھی آزمائش کا شکار ہوں گے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی ایسا ہے ، جس کا نام بیان نہیں کیا گیا ہے اور ایک راوی بقیہ ہے ۔