مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : میں یہ آیت پڑھا کرتا تھا ، لیکن مجھے یہ سمجھ نہیں آتی تھی کہ شام اور اشراق سے مراد کیا ہے ؟ یہاں تک کہ سیدہ ام ہانی بنت ابوطالب رضی اللہ عنہا نے مجھے یہ حدیث بیان کی : ( فتح مکہ کے موقع پر ) نبی اكرم صلی اللہ علیہ وسلم ان کے ہاں تشریف لائے ، آپ نے وضو کا پانی منگوایا ، جو ایک ایسے برتن میں آیا ، جس میں آٹے کا نشان موجود تھا ، نبی اکرم صلی اللہ علیہ وسلم نے وضو کیا ، پھر آپ نے چاشت کی نماز ادا کی ، پھر ارشاد فرمایا : اے ام ہانی ! یہ نماز اشراق ہے ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی ابوبکر ہذلی ہے اور وہ ضعیف ہے ۔