مجمع الزوائد ومنبع الفوائد

ابورزین بیان کرتے ہیں : نافع بن ازرق نے سیدنا عبداللہ بن عباس رضی اللہ عنہما کے ساتھ بحث کرتے ہوئے یہ کہا: کہ کیا آپ پانچ نمازوں کا حکم اللہ کی کتاب میں پاتے ہیں ؟ تو سیدنا عبداللہ بن عباس رضی اللہ عنہما نے جواب دیا : جی ہاں ! پھر سیدنا عبداللہ رضی اللہ عنہ نے اس کے سامنے یہ آیات تلاوت کیں : ” تم اللہ کی پاکی بیان کرو ! جب تم شام کرتے ہو “ ۔ اس سے مراد مغرب ہے ۔ ” اور جب صبح کرتے ہو “ ۔ اس سے مراد صبح کی نماز ہے ۔ اور شام کے وقت ۔ اس سے مراد عصر کی نماز ہے ۔ اور جب تم دوپہر کرتے ہو “ ۔ اس سے مراد ظہر کی نماز ہے ” اور عشاء کی نماز کے بعد “ تو یہاں عشاء کی نماز کا ذکر آ گیا ہے ۔
یہ روایت امام طبرانی نے اپنے استاد عبداللہ بن محمد سعید بن ابومریم کے حوالے سے نقل کی ہے اور وہ ضعیف ہے ۔