مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : جب سیدنا عبداللہ بن سلام رضی اللہ عنہ اور سیدنا ثعلبہ بن شعبہ رضی اللہ عنہ اور سیدنا اسد بن عبید رضی اللہ عنہ اور یہودیوں سے تعلق رکھنے والے حضرات نے اسلام قبول کر لیا وہ ایمان لے آئے انہوں نے تصدیق کر دی اور اسلام میں رغبت ظاہر کی تو یہودیوں کے علماء نے یہ کہا: یہ اہل کفر ہیں ۔ سیدنا محمد ( صلی اللہ علیہ وسلم ) پر جو لوگ بھی ایمان لائے اور جنہوں نے ان کی پیروی کی وہ ہمارے برے لوگ تھے اگر وہ ہمارے بہترین لوگوں میں سے ہوتے تو اپنے آبا ؤ اجداد کا دین ترک نہ کرتے تو اللہ تعالیٰ اس بارے میں یہ آیت نازل کی : ” اہل کتاب سے تعلق رکھنے والے لوگ برابر نہیں ہیں “ ۔ یہ آیت یہاں سے لے کر اللہ تعالیٰ کے اس فرمان تک ہے : ” نیک لوگوں میں سے “ ۔
یہ روایت امام طبرانی نے نقل کی ہے ، اور اس کے رجال ثقہ ہیں ۔