مجمع الزوائد ومنبع الفوائد

سیدنا یزید بن ابوسفیان رضی اللہ عنہ بیان کرتے ہیں : سیدنا ابوبکر رضی اللہ عنہ جب مجھے شام بھجوانے لگے ، تو انہوں نے مجھ سے فرمایا : اے یزید ! تمہارے ساتھ رشتہ دار بھی ہوں گے ، تو ہو سکتا ہے تم حکمرانی کی وجہ سے اُن کے ساتھ ترجیحی سلوک کرو ، تمہارے بارے میں مجھے زیادہ اندیشہ اسی بات کا ہے ، کیونکہ نبی اکرم صلی اللہ علیہ وسلم نے یہ بات ارشاد فرمائی ہے : ” جو شخص مسلمانوں کے کسی معاملے کا نگران بنے اور اُن پر کسی شخص کو ” محابات “ ( یعنی تساہل ) کے طور پر ( نا اہل شخص کو ) امیر بنا دے ، تو اُس شخص پر اللہ تعالیٰ کی لعنت ہو گی ، اللہ تعالیٰ اس کی کوئی فرض یا نفل عبادت قبول نہیں کرے گا یہاں تک کہ اُسے جہنم میں داخل کر دے گا اور جو شخص اللہ تعالیٰ کی چراگاہ کسی شخص کو دے ، اور وہ شخص اللہ تعالیٰ کی چراگاہ کے بارے میں ناحق طور پر کوئی کام کرے ، تو اُس پر اللہ تعالیٰ کی لعنت ہو گی ( راوی کو شک ہے ، یا شاید یہ الفاظ ہیں : ) اُس سے اللہ تعالیٰ کا ذمہ لاتعلق ہو جائے گا “ ۔
یہ روایت امام أحمد نے نقل کی ہے اور اس کی سند میں ایک ایسا شخص ہے ، جس کا نام بیان نہیں کیا گیا ہے ۔