مجمع الزوائد ومنبع الفوائد

سیدنا معقل بن یسار رضی اللہ عنہ بیان کرتے ہیں : انصار سے تعلق رکھنے والے ایک شخص نے ایک ایسی خاتون کے ساتھ شادی کی جس کے بال گر چکے تھے نبی اکرم صلی اللہ علیہ وسلم سے نقلی بال لگوانے کے بارے میں دریافت کیا گیا ، تو آپ نے نقلی بال لگانے والی اور لگوانے والی پر لعنت کی ۔
یہ روایت امام أحمد اور امام طبرانی نے نقل کی ہے ۔ اس کی سند میں ایک راوی فضل بن دلہم ہے ، اور وہ ثقہ ہے اس میں ضعف پایا جاتا ہے امام أحمد کے رجال صحیح کے رجال ہیں ۔

سیدہ عائشہ صدیقہ رضی اللہ عنہا بیان کرتی ہیں ۔ نبی اکرم صلی اللہ علیہ وسلم رنگ صاف کرنے کے لیے ، چہرے پر دوا لگانے والی ، اور لگوانے والی عورت پر لعنت کرتے تھے ۔
یہ روایت امام أحمد نے نقل کی ہے ۔ اس کی سند میں ایسی خواتین ہیں جن سے میں واقف نہیں ہوں ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم نے مصنوعی بالوں کا ایک گچھہ نکالا اور فرمایا : بنی اسرائیل کی عورتیں اپنے سروں پر یہ لگایا کرتی تھیں ، تو ان پر لعنت کی گئی اور ان پر مسجد میں آنا حرام قرار دیدیا گیا ۔
یہ روایت امام طبرانی نے معجم کبیر اور معجم اوسط میں نقل کی ہے ۔ اس کی سند میں ایک راوی ابن لہیعہ ہے ، اور اس کی نقل کردہ حدیث حسن ہے اس میں ضعف پایا جاتا ہے اس روایت کے بقیہ رجال ثقہ ہیں ۔

سیدنا ابوامامہ رضی اللہ عنہ بیان کرتے ہیں : نبی اکرم صلی اللہ علیہ وسلم نے نقلی بال لگانے والی اور لگوانے والی جسم گودنے والی اور گدوانے والی عورت پر لعنت کی ہے ۔
یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم نے نقلی بال لگانے والی اور لگوانے والی ( عورتوں ) پر لعنت کی ہے ۔ ( علامہ ہیثمی فرماتے ہیں : ) میں یہ کہتا ہوں امام ابوداؤد نے سیدنا عبداللہ بن عباس رضی اللہ عنہما کے حوالے سے
یہ روایت نقل کی ہے : ” نقلی بال لگانے والی اور لگوانے والی عورت پر لعنت کی گئی ہے “ ۔ اس روایت میں نبی اکرم صلی اللہ علیہ وسلم کا ذکر نہیں ہے ۔
یہ روایت امام طبرانی نے نقل کی ہے ۔ اس کی سند میں ایک راوی ابن لہیعہ ہے اس کی نقل کردہ حدیث حسن ہے ، اور اس میں ضعف پایا جاتا ہے اس روایت کے بقیہ رجال ثقہ ہیں ۔