مجمع الزوائد ومنبع الفوائد

مسلم بن اسلم بن بجرہ ، جن کا تعلق حارث بن خزرج سے ہے ، وہ ایک عمر رسیدہ شخص تھے انہوں نے یہ بات بیان کی ہے ایک مرتبہ وہ مدینہ منورہ آئے انہیں بازار میں جو کام تھا وہ انہوں نے پورا کر لیا پھر وہ اپنے گھر واپس چلے گئے جب انہوں نے چادر اتاری تو انہیں یاد آیا کہ انہوں نے نبی اکرم صلی اللہ علیہ وسلم کی مسجد میں نماز ہی ادا نہیں کی ۔ انہوں نے یہ سوچا اللہ کی قسم میں نے مسجد نبوی میں نماز ہی ادا نہیں کی جبکہ نبی اکرم صلی اللہ علیہ وسلم نے ہم سے یہ فرمایا ہے : ” تم میں سے جو شخص اس بستی میں آئے تو وہ اپنے اہل خانہ کی طرف اس وقت تک ہرگز واپس نہ جائے جب تک وہ اس مسجد میں دو رکعت ادا نہیں کر لیتا پھر ( اس کے بعد ) وہ اپنے اہل خانہ کی طرف واپس جائے “ ۔
یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔