مجمع الزوائد ومنبع الفوائد

سیدنا رفاعہ بن رافع رضی اللہ عنہ کے غلام ، سیدنا ابوعبید رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” وہ شخص ملعون ہے ، جو اللہ کے نام پر مانگے اور وہ شخص ملعون ہے ، جس سے اللہ کے نام پر مانگا جائے اور وہ مانگنے والے کو نہ دے “ ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی ایسا ہے ، جس سے میں واقف نہیں ہوں ۔

سیدنا ابوموسیٰ اشعری رضی اللہ عنہ بیان کرتے ہیں : انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” وہ شخص ملعون ہے ، جو اللہ کے نام پر مانگتا ہے ، اور وہ شخص ملعون ہے ، جس سے اللہ کے نام پر مانگا جائے پھر وہ اللہ کے نام پر نہ دے شرط یہ ہے کہ اس ( سائل ) نے کسی قبیح چیز کو نہ مانگا ہو “ ۔
یہ روایت امام طبرانی نے معجم کبیر میں نقل کی ہے ۔ اس کی سند حسن ہے اگرچہ اس کے بعض راویوں کی توثیق بھی کی گئی ہے ، اور وہ ضعیف بھی ہیں ۔