مجمع الزوائد ومنبع الفوائد

حمید بن عبدالرحمن حمیری بیان کرتے ہیں : ایک صاحب جن کا نام سیدنا حممہ رضی اللہ عنہ تھا وہ نبی اکرم صلی اللہ علیہ وسلم کے صحابی تھے ۔ وہ سیدنا عمر رضی اللہ عنہ کے عہد خلافت میں جنگ میں حصہ لینے کے لئے اصبہان چلے گئے ۔ انہوں نے یہ دعا کی اے اللہ ! حممہ رضی اللہ عنہ یہ سمجھتا ہے کہ وہ تیری بارگاہ میں حاضری کو پسند کرتا ہے اگر وہ سچا ہو تو اس کی سچائی کو اس پر لازم کر دے اور اگر جھوٹا ہو تو اس کے خلاف کو اس پر لازم کر دے خواہ وہ اسے ناپسند کرتا ہو ، تو انہیں پیٹ کے درد نے اپنے لپیٹ میں لے لیا ، اور ان کا انتقال اصبہان میں ہو گیا تو سیدنا ابوموسی اشعری رضی اللہ عنہ نے ارشاد فرمایا : اے لوگو ! بے شک اللہ کی قسم ہم نے تمہارے نبی کی زبانیں جو باتیں سنی ہیں ، اور جو ہمارا علم ہے ، اس کے مطابق حمامہ شہید ہے ۔
یہ روایت امام طبرانی نے معجم کبیر میں نقل کی ہے ، امام أحمد نے اس کی مانند نقل کی ہے ۔ اس کی سند میں ایک راوی داؤد راوی ہے ایک روایت کے مطابق یحیی بن معین نے اسے ” ثقہ “ قرار دیا ہے ، اور دوسری روایت کے مطابق انہوں نے اسے ” ضعیف “ قرار دیا ہے ۔