مجمع الزوائد ومنبع الفوائد

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم جب کسی جگہ پڑاؤ کرتے تھے تو آپ وہاں سے اس وقت تک روانہ نہیں ہوتے تھے ، جب تک آپ وہاں دو رکعات ادا نہیں کر لیتے تھے ۔
یہ روایت امام ابویعلی اور امام بزار نے اور امام طبرانی نے معجم اوسط میں نقل کی ہے ۔ اس کی سند میں ایک راوی عثمان بن سعد ہے ، جسے ابونعیم اور ابوحاتم نے ” ثقہ “ قرار دیا ہے ، اور ایک جماعت نے اسے ” ضعیف“ قرار دیا ہے ۔

سیدنا فضالہ بن عبید رضی اللہ عنہ بیان کرتے ہیں : نبی اکرم صلی اللہ علیہ وسلم سفر کے دوران جب کسی جگہ پڑاؤ کرتے تھے پھر جب اپنے گھر میں تشریف لاتے تھے تو آپ اس وقت تک نہیں بیٹھتے تھے ، جب تک دو رکعات ادا نہیں کر لیتے تھے ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی واقدی ہے ، جسے مصعب زبیری اور دیگر حضرات نے ” ثقہ “ قرار دیا ہے ۔ ائمہ کی ایک جماعت نے اسے ” ضعیف “ قرار دیا ہے ۔