مجمع الزوائد ومنبع الفوائد

وَعَنْ ثَابِتِ بْنِ قَيْسٍ قَالَ : ذُكِرَ الْكِبْرُ عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَشَدَّدَ فِيهِ فَقَالَ : " إِنَّ اللَّهَ لَا يُحِبُّ كُلَّ مُخْتَالٍ فَخُورٍ " . فَقَالَ رَجُلٌ مِنَ الْقَوْمِ : وَاللَّهِ يَا رَسُولَ اللَّهِ إِنِّي لِأَغْسِلُ ثِيَابِي فَيُعْجِبُنِي بَيَاضُهَا ، وَيُعْجِبُنِي شِرَاكُ نَعْلِي ، وَعَلَاقُ سَوْطِي ؟ فَقَالَ : " لَيْسَ ذَاكَ الْكِبْرُ ، إِنَّمَا الْكِبْرُ أَنْ تُسَفِّهَ الْحَقَّ ، وَتَغْمِصَ النَّاسَ " . ¤ رَوَاهُ الطَّبَرَانِيُّ فِي الْكَبِيرِ وَالْأَوْسَطِ ، وَالْبَزَّارُ بِنَحْوِهِ ، وَفِيهِ مُحَمَّدُ بْنُ أَبِي لَيْلَى ، وَهُوَ سَيِّئُ الْحِفْظِ ، وَحَدِيثُهُ حَسَنٌ بِالشَّوَاهِدِ الْتِي تَقَدَّمَتْ فِي هَذَا الْبَابِ وَلَكِنَّ عَبْدَ الرَّحْمَنِ لَمْ يَسْمَعْ مِنْ ثَابَتٍ . ¤ قُلْتُ : وَلَهُ طَرِيقٌ فِي سُورَةِ النِّسَاءِ ، وَلِهَذَا الْحَدِيثِ طُرُقٌ فِي الْكِبَارِ فِي الْإِيمَانِ وَطُرُقٌ فِي الزُّهْدِ . ¤

سیدنا ثابت بن قیس رضی اللہ عنہ بیان کرتے ہیں : نبی اکرم صلی اللہ علیہ وسلم کے سامنے تکبر کا ذکر کیا گیا تو آپ نے اس بارے میں سختی کا اظہار کیا اور ارشاد فرمایا بے شک اللہ تعالیٰ ہر متکبر فخر کرنے والے شخص کو پسند نہیں کرتا حاضرین میں سے ایک صاحب نے عرض کی : اللہ کی قسم ! یا رسول اللہ ! میں اپنے کپڑے دھوتا ہوں ، تو مجھے ان کی سفیدی اچھی لگتی ہے ، اور مجھے اپنے جوتے کا تسمہ اچھا لگتا ہے ، اور مجھے اپنی لاٹھی کا علاقہ ( لٹکانے کی جگہ ) اچھا لگتا ہے ۔ نبی اکرم صلی اللہ علیہ وسلم نے فرمایا : ” یہ چیز تکبر نہیں ہے ، تکبر یہ ہے کہ تم حق سے رو گردانی کرو اور لوگوں کو حقیر سمجھو “ ۔
یہ روایت امام طبرانی نے معجم کبیر اور معجم اوسط میں نقل کی ہے ۔ امام بزار نے اس کی مانند روایت نقل کی ہے ۔ اس ک سند میں ایک راوی محمد بن ابولیلیٰ ہے ، اور وہ خراب حافظے کا مالک ہے اس کی نقل کردہ حدیث ان شواہد کی بنیاد پر حسن ہے جو اس سے پہلے اس باب میں گزر چکے ہیں ، البتہ عبدالرحمن نامی راوی نے سیدنا ثابت رضی اللہ عنہ سے سماع نہیں کیا ہے ۔ ( علامہ ہیثمی فرماتے ہیں : ) میں یہ کہتا ہوں ۔ اس روایت کا ایک طریق سورت نساء سے متعلق باب میں بھی ہے اس روایت کے مختلف طرق ہیں جو کتاب الایمان میں گزر چکے ہیں اور اس کے کچھ طرق کتاب الزہد میں ہیں ۔