مجمع الزوائد ومنبع الفوائد

عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أُمِرَ أَنْ يُذْبَحَ شَاةٌ فَيُقَسِّمَهَا بَيْنَ الْجِيرَانِ ، قَالَ : فَذَبَحْتُهَا فَقَسَمْتُهَا بَيْنَ الْجِيرَانِ ، وَرُفِعَتِ الذِّرَاعُ إِلَى النَّبِيِّ صَلَّى اللَّهُ عَلَيْهِ وَسَلَّمَ ، وَكَانَ أَحَبُّ الشَّاةِ إِلَيْهِ الذِّرَاعَ ، فَلَمَّا جَاءَ النَّبِيُّ صَلَّى اللَّهُ عَلَيْهِ وَسَلَّمَ قَالَتْ عَائِشَةُ : مَا بَقِيَ عِنْدَنَا مِنْهَا إِلَّا الذِّرَاعُ قَالَ : " كُلُّهَا بَقِيَ إِلَّا الذِّرَاعَ " . ¤ رَوَاهُ الْبَزَّارُ ، وَرِجَالُهُ ثِقَاتٌ . ¤

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم کے حکم کے تحت بکری ذبح کی گئی اور اس کا گوشت پڑوسیوں میں تقسیم کر دیا گیا سیدنا ابوہریرہ رضی اللہ عنہ بیان کرتے ہیں : میں نے اسے ذبح کیا تھا اور میں نے ہی اسے پڑوسیوں میں تقسیم کیا تھا پھر دستی کا گوشت نبی اکرم صلی اللہ علیہ وسلم کی خدمت میں پیش کیا گیا بکری کے گوشت میں آپ کے نزدیک سب سے زیادہ پسندیدہ دستی کا گوشت تھا جب نبی اکرم صلی اللہ علیہ وسلم تشریف لائے تو سیدہ عائشہ بھی رضی اللہ عنہا نے عرض کی : اب ہمارے پاس صرف ایک دستی بچی ہے نبی اکرم صلی اللہ علیہ وسلم نے ارشاد فرمایا : باقی سب بچ گیا ہے صرف ایک دستی نہیں بچی ہے ۔
یہ روایت امام بزار نے نقل کی ہے ، اور اس کے رجال ثقہ ہیں ۔