مجمع الزوائد ومنبع الفوائد

وَعَنْ سَعْدِ بْنِ عَمَّارٍ الْقَرَظِ مُؤَذِّنِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا خَطَبَ فِي الْعِيدَيْنِ خَطَبَ عَلَى قَوْسٍ قُلْتُ : لَهُ عِنْدَ ابْنِ مَاجَهْ : كَانَ إِذَا خَطَبَ فِي الْحَرْبِ خَطَبَ عَلَى قَوْسٍ رَوَاهُ الطَّبَرَانِيُّ فِي الصَّغِيرِ ، وَقَدْ تَقَدَّمَ فِي الْجُمُعَةِ حَدِيثٌ آخَرُ لَهُ مِنَ الْكَبِيرِ وَكِلَاهُمَا ضَعِيفٌ

سیدنا سعد بن عمار القرظ رضی اللہ عنہ ، جو نبی اکرم صلی اللہ علیہ وسلم کے مؤذن ہیں ، وہ بیان کرتے ہیں : عیدین کے موقع پر نبی اکرم صلی اللہ علیہ وسلم جب خطبہ دیتے تھے تو آپ صلی اللہ علیہ وسلم کمان کو پکڑ کر خطبہ ارشاد فرماتے تھے ۔ ( علامہ ہیثمی فرماتے ہیں : ) میں یہ کہتا ہوں : ان کے حوالے سے امام ابن ماجہ نے یہ روایت نقل کی ہے : ” جب آپ صلی اللہ علیہ وسلم جنگ کے موقع پر خطبہ دیتے تھے ، تو کمان ہاتھ میں پکڑ کر خطبہ دیتے تھے “ ۔
یہ روایت امام طبرانی نے معجم صغیر میں نقل کی ہے ، اس سے پہلے جمعہ سے متعلق باب میں ایک اور حدیث گزر چکی ہے ، جو ان صحابی کے حوالے سے منقول ہے ، اور معجم کبیر میں نقل ہوئی ہے ، یہ دونوں روایات ضعیف ہیں ۔