مجمع الزوائد ومنبع الفوائد

وَعَنْ عَلِيٍّ عَنِ النَّبِيِّ - صَلَّى اللَّهُ عَلَيْهِ وَسَلَّمَ - فِي صَلَاةِ الْخَوْفِ : أُمِرَ النَّاسُ فَأَخَذُوا السِّلَاحَ عَلَيْهِمْ فَقَامَتْ طَائِفَةٌ مِنْ وَرَائِهِمْ مُسْتَقْبِلِي الْعَدُوِّ ، وَجَاءَتْ طَائِفَةٌ فَصَلَّوْا مَعَهُ فَصَلَّى بِهِمْ رَكْعَةً، ثُمَّ قَامُوا إِلَى الطَائِفَةِ الَّتِي لَمْ تُصَلِّ وَأَقْبَلَتِ الطَّائِفَةُ الَّتِي لَمْ تُصَلِّ مَعَهُ فَقَامُوا خَلْفَهُ فَصَلَّى بِهِمْ رَكْعَةً وَسَجْدَتَيْنِ ثُمَّ سَلَّمَ عَلَيْهِمْ فَلَمَّا سَلَّمَ قَامَ الَّذِينَ مِنْ قِبَلِ الْعَدُوِّ فَكَبَّرُوا جَمِيعًا وَرَكَعُوا رَكْعَةً وَسَجْدَتَيْنِ بَعْدَمَا سَلَّمَ رَوَاهُ الْبَزَّارُ وَفِيهِ الْحَارِثُ وَهُوَ ضَعِيفٌ

سیدنا علی رضی اللہ عنہ کے حوالے سے نبی اکرم صلی اللہ علیہ وسلم کے بارے میں نماز خوف سے متعلق یہ منقول ہے : لوگوں کو حکم دیا گیا انہوں نے ہتھیار پہن لئے ، پھر ایک گروہ ان کے پیچھے کھڑا ہو گیا ، جس کا رخ دشمن کی طرف تھا اور ایک گروہ آیا ، اور نہوں نے نبی اکرم صلی اللہ علیہ وسلم کی اقتداء میں نماز ادا کی ، نبی اکرم صلی اللہ علیہ وسلم نے انہیں ایک رکعت پڑھائی ، پھر وہ لوگ اُٹھ کر اس گروہ کی طرف چلے گئے ، ، جنہوں نے نماز ادا نہیں کی تھی اور وہ گروہ آ گیا ، جس نے نبی اکرم صلی اللہ علیہ وسلم کی اقتداء میں نماز ادا نہیں کی تھی ، اور وہ نبی اکرم صلی اللہ علیہ وسلم کے پیچھے کھڑے ہو گئے ، نبی اکرم صلی اللہ علیہ وسلم نے انہیں ایک رکعت پڑھائی ، پھر آپ نے ان سب سمیت سلام پھیر دیا ، جب نبی اکرم صلی اللہ علیہ وسلم نے سلام پھیرا ، تو وہ لوگ اُٹھ کر دشمن کی طرف چلے گئے اور ان سب نے تکبیر کہی اور ایک رکوع کیا ، اور دو سجدے کیے یہ نبی اکرم صلی اللہ علیہ وسلم کے سلام پھیرنے کے بعد کیا تھا ۔
یہ روایت امام بزار نے نقل کی ہے ، اس کی سند میں ایک راوی حارث ہے ، اور وہ ” ضعیف“ ہے ۔