مجمع الزوائد ومنبع الفوائد

وَعَنْ عَبْدِ اللَّهِ بْنِ جُبَيْرٍ الْخُزَاعِيِّ : أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يَمْشِي فِي أُنَاسٍ مِنْ أَصْحَابِهِ فَتَسَتَّرَ بِثَوْبٍ ، فَلَمَّا رَأَى ظِلَّهُ رَفَعَ رَأْسَهُ فَإِذَا هُوَ بِمُلَاءَةٍ قَدْ سُتِرَ بِهَا ، فَقَالَ لَهُ : " مَهْ ! " . وَأَخَذَ الثَّوْبَ فَوَضَعَهُ ، فَقَالَ : " إِنَّمَا أَنَا بَشَرٌ مَثَلُكُمْ " . ¤ رَوَاهُ الطَّبَرَانِيُّ ، وَرِجَالُهُ رِجَالُ الصَّحِيحِ . ¤

سیدنا عبداللہ بن جبیر خزاعی رضی اللہ عنہ بیان کرتے ہیں : نبی اکرم صلی اللہ علیہ وسلم اپنے اصحاب سے تعلق رکھنے والے کچھ افراد کے درمیان چل رہے تھے ، آپ کے لئے ایک کپڑے کے ذریعے پردہ کیا گیا ، جب آپ نے اس کے سائے کو ملاحظہ کیا ، تو سر اُٹھا کے دیکھا تو پتہ چلا کہ وہ کپڑا ہے ، جس کے ذریعے آپ پر پردہ کیا گیا ہے ( تاکہ آپ کو دھوپ نہ لگے ) تو آپ نے فرمایا : رک جاؤ ! آپ نے وہ کپڑا لیا اور اسے رکھ دیا اور پھر یہ فرمایا : میں تمہاری طرح ایک انسان ہوں ۔
یہ روایت امام طبرانی نے نقل کی ہے ، اور اس کے رجال ” صحیح “ کے رجال ہیں ۔