مجمع الزوائد ومنبع الفوائد

وَعَنْ أَبِي سَعِيدٍ الْخُدْرِيِّ أَنَّ أَبَاهُ مَالِكَ بْنَ سِنَانٍ لَمَّا أُصِيبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي وَجْهِهِ يَوْمَ أُحُدٍ مَصَّ دَمَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَازْدَرَدَهُ فَقِيلَ لَهُ : أَتَشْرَبُ الدَّمَ ؟ فَقَالَ : نَعَمْ أَشْرَبُ دَمَ رَسُولِ اللَّهِ - صَلَّى اللَّهُ عَلَيْهِ وَسَلَّمَ . فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " خَلَطَ دَمِي بِدَمِهِ لَا تَمَسُّهُ النَّارُ " . رَوَاهُ الطَّبَرَانِيُّ فِي الْأَوْسَطِ وَلَمْ أَرَ فِي إِسْنَادِهِ مَنْ أُجْمِعَ عَلَى ضَعْفِهِ . ¤

سیدنا ابوسعید خدری رضی اللہ عنہ بیان کرتے ہیں : اُن کے والد سیدنا مالک بن سنان رضی اللہ عنہ کا معاملہ یہ تھا کہ جب غزوہ احد کے موقع پر نبی اکرم صلی اللہ علیہ وسلم کے چہرے پر زخم آئے ، تو وہ نبی اکرم صلی اللہ علیہ وسلم کا خون چوس لیتے تھے اور اسے نگل لیتے تھے ، اُن سے کہا: گیا : آپ خون کو پی رہے ہیں ؟ انہوں نے کہا: جی ہاں ! میں اللہ کے رسول صلی اللہ علیہ وسلم کے خون کو پی رہا ہوں ، تو نبی اکرم صلی اللہ علیہ وسلم نے ارشاد فرمایا : ” میرا خون ، اس کے خون کے ساتھ مل گیا ہے ، اسے آگ نہیں چھوئے گی ۔ “
یہ روایت امام طبرانی نے معجم اوسط میں نقل کی ہے ، اور میں نے اس کی سند میں کوئی ایسا راوی نہیں دیکھا ، جس کے ضعیف ہونے پر اتفاق ہو ۔