مجمع الزوائد ومنبع الفوائد

وَعَنْ عَلِيٍّ - يَعْنِي ابْنَ أَبِي طَالِبٍ - قَالَ : جَاءَ أَعْرَابِيٌّ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ : يَا رَسُولَ اللَّهِ ، إِنَّا نَكُونُ بِالْبَادِيَةِ وَتَكُونُ مِنْ أَحَدِنَا الرُّوَيْحَةُ ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " إِنَّ اللَّهَ لَا يَسْتَحِي مِنَ الْحَقِّ ، إِذَا فَعَلَ أَحَدُكُمْ ذَلِكَ فَلْيَتَوَضَّأْ ، وَلَا تَأْتُوا النِّسَاءَ فِي أَعْجَازِهِنَّ " ، وَقَالَ مَرَّةً : " فِي أَدْبَارِهِنَّ " . ¤ رَوَاهُ أَحْمَدُ مِنْ حَدِيثِ عَلِيِّ بْنِ أَبِي طَالِبٍ ، وَهُوَ فِي السُّنَنِ مِنْ حَدِيثِ عَلِيِّ بْنِ طَلْقٍ الْحَنَفِيِّ ، وَقَدْ تَقَدَّمَ حَدِيثُ عَلِيِّ بْنِ أَبِي طَالِبٍ قَبْلَهُ كَمَا تَرَاهُ . وَاللَّهُ أَعْلَمُ . وَرِجَالُهُ مُوَثَّقُونَ . ¤

سیدنا علی بن ابوطالب رضی اللہ عنہ بیان کرتے ہیں : ایک دیہاتی نبی اکرم صلی اللہ علیہ وسلم کی خدمت میں حاضر ہوا اور بولا: یا رسول اللہ ! ہم لوگ ویرانوں میں رہتے ہیں ، بعض اوقات ہم میں سے کسی ایک کی معمولی سی ہوا خارج ہو جاتی ہے ، نبی اکرم صلی اللہ علیہ وسلم نے ارشاد فرمایا : اللہ تعالیٰ حق بات سے حیاء نہیں کرتا ہے ، جب کوئی شخص ایسا کرے ، ( یعنی ہوا خارج کرے ) تو اُسے وضو کر لینا چاہیے اور تم عورتوں کی پچھلی شرمگاہ میں صحبت نہ کرنا ۔
یہاں راوی نے بعض اوقات ایک لفظ مختلف نقل کیا ہے ( تاہم اُس کا مطلب یہی ہے ) ۔ امام أحمد نے ، اسے سیدنا علی بن ابوطالب رضی اللہ عنہ سے منقول حدیث کے طور پر نقل کیا ہے ، جبکہ ” سنن “ میں یہ روایت سیدنا علی بن طلق حنفی رضی اللہ عنہ سے منقول ہے ، سیدنا علی بن ابوطالب رضی اللہ عنہ سے منقول حدیث ، اس سے پہلے گزر چکی ہے ، جیسا کہ آپ نے اُسے ملاحظہ کیا ہے ، باقی اللہ بہتر جانتا ہے ، اور اس روایت کے رجال کی توثیق کی گئی ہے ۔