مجمع الزوائد ومنبع الفوائد

وَعَنْ أَبِي بَكْرَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ : " مَنْ رَآنِي فِي الْمَنَامِ فَقَدْ رَآنِي فِي الْيَقَظَةِ ، وَمَنْ رَأَى أَنَّهُ يَشْرَبُ لَبَنًا فَهِيَ الْفِطْرَةُ ، وَمَنْ رَأَى أَنَّ عَلَيْهِ دِرْعًا مِنْ حَدِيدٍ فَهِيَ حَصَانَةُ دِينِهِ ، وَمَنْ رَأَى أَنَّهُ يَبْنِي بَيْتًا فَهُوَ عَمَلٌ يَعْمَلُهُ ، وَمَنْ رَأَى أَنَّهُ غَرِقَ فَهُوَ فِي النَّارِ " . رَوَاهُ الطَّبَرَانِيُّ ، وَفِيهِ الْحَكَمُ بْنُ ظُهَيْرٍ وَهُوَ مَتْرُوكٌ . ¤

سیدنا ابوبکرہ رضی اللہ عنہ ، نبی اکرم صلی اللہ علیہ وسلم کا یہ فرمان نقل کرتے ہیں : ” جس نے مجھے خواب میں دیکھا ، اُس نے تحقیق مجھے بیداری کے عالم میں دیکھا ( یعنی اُس نے درحقیقت مجھے ہی دیکھا ) اور جو شخص خواب میں یہ دیکھے کہ وہ خواب میں دودھ پی رہا ہے ، تو اس سے مراد فطرت ہو گی ، اور جو شخص خواب میں یہ دیکھے کہ اس کے جسم پر لوہے کی زرہ ہے ، تو اس سے مراد ، اس کے دین کا محفوظ ہونا ہے ، اور جو شخص خواب میں یہ دیکھے کہ وہ کوئی گھر بنا رہا ہے ، تو اس سے مراد ، اُس کا عمل ہے ، جو وہ کرے گا ، اور جو شخص یہ دیکھے کہ وہ ڈوب رہا ہے ، تو وہ جہنم میں جائے گا “ ۔
یہ روایت امام طبرانی نے نقل کی ہے ، اس کی سند میں ایک راوی حکم بن ظہیر ہے اور وہ متروک ہے ۔