إتحاف الخيرة المهرة بزوائد المسانيد العشرة
كتاب الأذكار— اذکار کا بیان۔
باب فضل لا إله إلا الله باب: «لا إله إلا الله» کی فضیلت۔
قَالَ أَبُو يَعْلَى: وَثَنَا أَحْمَدُ بْنُ مُحَمَّدِ بْنِ سَلَامَةَ ، ثَنَا مُحَمَّدُ بْنُ عُزَيْزٍ الْأَيْلِيُّ، حَدَّثَنِي سَلَامَةُ بْنُ رَوْحٍ، عَنْ عُقَيْلٍ ، عَنِ ابْنِ شَهَابٍ قَالَ: قَالَ أَنَسُ بْنُ مَالِكٍ الْأَنْصَارِيُّ: " بَيْنَا نَحْنُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ إِذْ هَبَطَ ثَنِيَّةً وَرَسُولُ اللَّهِ صَلَّى اللَّهُ عَلَيْهِ وَسَلَّمَ يَسِيرُ وَحْدَهُ، فَلَمَّا اسْتَهَلَّتْ بِهِ الطَّرِيقُ ضَحِكَ وَكَبَّرَ، وَكَبَّرْنَا لِتَكْبِيرِهِ، ثُمَّ سَارَ نَزْوَةً ثُمَّ ضَحِكَ وَكَبَّرَ فَكَبَّرْنَا لِتَكْبِيرِهِ، ثُمَّ سَارَ نَزْوَةً ثُمَّ ضَحِكَ وَكَبَّرَ، فَكَبَّرْنَا لِتَكْبِيرِهِ، ثُمَّ أَدْرَكْنَاهُ، فَقَالَ الْقَوْمُ: كَبَّرْنَا لِتَكْبِيرِكَ وَلَا نَدْرِي مِمَّا ضَحِكْتَ! فَقَالَ: أَتَانِي، جِبْرِيلُ - عَلَيْهِ السَّلَامُ - فَلَمَّا اسْتَهَلَّيْتُ الْتَفَتَ إِلَيَّ جِبْرِيلُ فَقَالَ: أَبْشِرْ وَبَشِّرْ أُمَّتَكَ أَنَّهُ مَنْ قَالَ: لَا إِلَهَ إِلَّا اللَّهُ وَحْدَهُ لَا شَرِيكَ لَهُ دَخَلَ الْجَنَّةَ وَقَدْ حُرِّمَ عَلَى النَّارِ. فَضَحِكْتُ وَكَبَّرْتُ رَبِّي وَفَرِحْتُ بِذَلِكَ لِأُمَّتِي".سیدنا انس بن مالک انصاری رضی اللہ عنہ سے روایت ہے کہ ”ہم رسول اللہ ﷺ کے ہمراہ تھے کہ آپ ﷺ ایک گھاٹی سے نیچے اترے جبکہ آپ ﷺ تنہا چل رہے تھے، پس جیسے ہی راستہ کھلا اور واضح ہوا تو آپ ﷺ مسکرائے اور اللہ اکبر کہا، آپ ﷺ کی تکبیر کی وجہ سے ہم نے بھی تکبیر کہی، پھر آپ ﷺ تھوڑی دور چلے اور دوبارہ مسکرائے اور تکبیر کہی تو ہم نے بھی آپ کی تکبیر کے ساتھ تکبیر کہی، پھر آپ ﷺ کچھ فاصلہ مزید طے کرنے کے بعد تیسری بار مسکرائے اور تکبیر کہی تو ہم نے بھی آپ کی تکبیر سن کر تکبیر کہی، پھر جب ہم آپ ﷺ کے پاس پہنچ گئے تو لوگوں نے عرض کیا: اے اللہ کے رسول! ہم نے آپ کی تکبیر کی وجہ سے تکبیر تو کہی مگر ہمیں یہ معلوم نہیں ہوسکا کہ آپ کس بات پر مسکرائے؟ آپ ﷺ نے ارشاد فرمایا: ”میرے پاس جبرائیل علیہ السلام تشریف لائے، پس جب میں راستے کے کھلے حصے پر نمودار ہوا تو جبرائیل علیہ السلام نے میری طرف متوجہ ہو کر کہا: آپ کو مبارک ہو اور اپنی امت کو بھی یہ خوشخبری سنا دیں کہ جس شخص نے بھی «لَا إِلَهَ إِلَّا اللَّهُ وَحْدَهُ لَا شَرِيكَ لَهُ» ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں“ کہا، وہ جنت میں داخل ہو گیا اور یقیناً اس پر آگ حرام کر دی گئی ہے، چنانچہ میں مسکرایا، اپنے رب کی کبریائی بیان کی اور اپنی امت کے لیے اس بشارت پر خوش ہوا“۔