إتحاف الخيرة المهرة بزوائد المسانيد العشرة
كتاب الأذكار— اذکار کا بیان۔
باب في فضل الذكر والذاكرين باب: ذکر اور ذکر کرنے والوں کی فضیلت۔
قَالَ مُسَدَّدٌ : وَثَنَا عِيسَى ، ثَنَا هَارُونُ بْنُ عَنْتَرَةَ، عَنْ أَبِيهِ قَالَ: " دَخَلْنَا عَلَى ابْنِ عَبَّاسٍ فَقَالَ لَهُ رَجُلٌ: أَيُّ الْعَمَلِ أَفْضَلُ؟ قَالَ: ذِكْرُ اللَّهِ أَكْبَرُ - ثَلَاثَ مَرَّاتٍ - ثُمَّ قَالَ: مَا جَلَسَ قَوْمٌ فِي بَيْتٍ مِنْ بُيُوتِ اللَّهِ يَتَدَارَسُونَ كِتَابَ اللَّهِ وَيَتَعَاطَوْنَهُ بَيْنَهُمْ إِلَّا أَظَلَّتْهُمُ الْمَلَائِكَةُ بِأَجْنِحَتِهَا، وَإِلَّا كَانُوا أَضْيَافَ اللَّهِ - عَزَّ وَجَلَّ - حَتَّى يَقُومُوا، وَمَا سَلَكَ رَجُلٌ طَرِيقًا يَبْتَغِي فِيهِ الْعِلْمَ إِلَّا سَهَّلَ اللَّهُ لَهُ سَبِيلًا إِلَى الْجَنَّةِ، وَمَنْ يُبْطِئْ بِهِ عَمَلُهُ لَا يَسْرِعْ بِهِ نَسَبُهُ".ہارون بن عنترہ اپنے والد (عنترہ رحمہ اللہ) سے روایت کرتے ہیں، وہ بیان کرتے ہیں: ”ہم سیدنا ابن عباس رضی اللہ عنہما کے پاس گئے تو ایک شخص نے ان سے پوچھا: کون سا عمل افضل ہے؟ انہوں نے تین بار فرمایا: اللہ کا ذکر سب سے بڑا ہے۔ پھر فرمایا: جو لوگ بھی اللہ کے گھروں میں سے کسی گھر میں بیٹھ کر اللہ کی کتاب کو باہم پڑھتے پڑھاتے اور اس کا مذاکرہ کرتے ہیں، تو فرشتے اپنے پروں سے ان پر سایہ کر لیتے ہیں، اور وہ اٹھنے تک اللہ عزوجل کے مہمان ہوتے ہیں۔ اور جو شخص علم کی تلاش میں کسی راستے پر چلتا ہے اللہ اس کے لیے جنت کا راستہ آسان کر دیتا ہے، اور جسے اس کا عمل پیچھے رکھے اس کا نسب اسے آگے نہیں بڑھا سکتا۔“