إتحاف الخيرة المهرة بزوائد المسانيد العشرة
كتاب البر والصلة— نیکی اور صلہ رحمی کا بیان۔
باب ما جاء في الإحسان إلى البنات والأخوات باب: بیٹیوں اور بہنوں کے ساتھ حسنِ سلوک کے بارے میں جو کچھ آیا ہے۔
حدیث نمبر: 5064
وَعَنْ عَوْفِ بْنِ مَالِكٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَا مِنْ مُسْلِمٍ عَالَ ثَلَاثَ بَنَاتٍ حَتَّى يَبِنَّ أَوْ يَمُتْنَ إِلَّا كُنَّ لَهُ حِجَابًا مِنَ النَّارِ، فَقَالَتْ لَهُ امْرَأَةٌ: يَا رَسُولَ اللَّهِ أَوِ ابْنَتَيْنِ؟ قَالَ: أَوِ ابْنَتَيْنِ " .
رَوَاهُ الْحَارِثُ بْنُ أَبِي أُسَامَةَ بِسَنَدٍ ضَعِيفٍ؛ لِضَعْفِ النَّهَّاسِ بْنِ قَهْمٍ. ترجمہ
سیدنا عوف بن مالک رضی اللہ عنہ سے روایت ہے کہ رسول اللہ ﷺ نے ارشاد فرمایا: ”کوئی بھی ایسا مسلمان نہیں جو تین بیٹیوں کی اس وقت تک کفالت و پرورش کرے جب تک کہ وہ (نکاح کے بعد) رخصت نہ ہو جائیں یا وہ خود فوت ہو جائیں، مگر وہ اس کے لیے جہنم کی آگ سے آڑ بن جائیں گی“، اس پر ایک خاتون نے عرض کیا: ”اے اللہ کے رسول ﷺ! کیا دو بیٹیوں کی پرورش کا بھی یہی حکم ہے؟“ آپ ﷺ نے ارشاد فرمایا: ”ہاں! دو بیٹیوں کا بھی یہی حکم ہے“؛ اسے حارث بن ابی اسامہ نے روایت کیا ہے اور نہاس بن قہم کے ضعیف ہونے کے سبب اس کی سند ضعیف ہے۔